馮允謙拍《不在場》MV以茶代酒 黑色西裝成Fans「彩蛋」

馮允謙（Jay）新歌《不在場》MV已上架，故事承接上一首歌《人間缺憾美》MV，而且與之前作品《Break Me Down》，連續三首MV都穿著黑色西裝，掀起Fans搜索MV「彩蛋」熱話。

新歌《不在場》創作班底陣容強勁，作曲有馮允謙與T-Ma、Wyman填詞、楊展鴻編曲、T-Ma擔任監製。Jay說：「我超鍾意呢首歌，係一首慢板情歌，描述曖昧到無疾而終嘅情感故事，講出兩個人之間微妙而遺憾嘅關係。」滿新鮮感。

MV中Jay飾演「旁觀者」，歌詞故事中情感拉扯的男女主角由其他演員上陣。他說：「每個人對情感表達都唔同，有啲人鍾意另一個人就好想接近對方，或者一見到呢個人就會笑，亦都會有啲人會好內斂。（你呢？）我會心跳加速，不過得我知，大家睇唔到，表情上可能會好害羞。」

導演要求Jay演繹酒後微醺感覺，鏡頭前他以茶代酒，他說：「我酒量麻麻，一飲酒就會變得飄忽、無法集中，加上飲咗酒好易臉紅和水腫，為保持最佳狀態，就用烏龍茶代替！」