陳慧琳入行30年邀林家謙創感恩單曲龔慈恩廖子妤坐陣演出MV
- 韓港報小編
- 1 day ago
- 2 min read
樂壇天后陳慧琳（Kelly）踏入樂壇30年，宣布7月於紅館舉行8場《陳慧琳Season 2 萬人結界演唱會》外，更邀請林家謙及Oscar打造感恩單曲《鳴謝你而不想說後悔》。
《鳴謝你而不想說後悔》是Kelly在2002年經典作品《最愛演唱會》的結尾歌詞，此曲用歌詞起名，是MV合作導演Sheng提出，Kelly說：「Sheng好鍾意我嘅歌，拍《談情的價值》時建議可以用《鳴謝你而不想說後悔》創作，佢講完我又覺得幾好喎！佢又不斷鼓勵我要同新生代歌手合作，之前我就同AGA，今次就搵咗家謙幫我寫首新歌。」
Kelly和林家謙討論歌曲主題時，湊巧林家謙一首關於感恩的demo叫《Gratitude》，Kelly大讚他有才華：「第一次聽家謙唱嘅demo覺得已經可以出街，佢把聲好輕，好舒服嘅感覺。」更因唱腔的改變，林家謙經常提醒Kelly休息，以免聲帶磨損：「呢首歌唔可以企喺度唱，要喺個空中飄住咁唱，配合歌詞，又唔可以唱到好sweet或者好sad，需要用好輕好輕嘅聲線去唱，所以我就諗不如把聲係好似to be continued待續感覺，聲線要好溫柔，好似喺星空上面唱歌。」」
林家謙推薦的填詞人Oscar，其歌詞「皮囊中凋謝，靈魂不凋謝」，令Kelly十分喜歡：「雖然皮囊會凋謝，但靈魂會長存，所以我想呢首歌嚟鳴謝同陪伴我嘅歌迷。」
新歌MV故事圍繞歌手與歌迷間相互扶持的故事，Kelly做回「陳慧琳」的角色，但戲份較少，並邀請龔慈恩、廖子妤（Fish）等實力派演員演出，林家謙客串當歌手。Kelly說：「Fish飾演我嘅歌迷，細細個已經好鍾意我，會寫信分享佢嘅難題，我又會回信鼓勵同幫手解決。Fish嘅角色長大後，爸爸過身，事業上又遇到難題，於是寫咗封信俾我，我又回覆俾佢，就係呢種與歌迷嘅互動。」
林家謙和Fish高度讚美Kelly外表完全沒變，以及被她的性格吸引，林家謙說：「合作前感覺Kelly比較神秘，比較少出嚟，但當佢出現又會嘩一聲，覺得佢冇變過。同Kelly合作覺得佢好平易近人、講效率，做嘢唔會轉彎抹角」。
Fish說：「認識Kelly係由我中學時期開始，呢個MV有我嘅細個版，正正就係我嗰個年代睇《薰衣草》，特別留意到咁靚女嘅角色。我細個唔算聽得多Kelly廣東歌，因為中學時台灣音樂盛行，當時我係聽Kelly嘅國語歌，好鍾意《再見北極雪》，同周傳雄合作嘅歌《記事本》，都有陪伴我青少年時期。」在MV中，Fish雖未能與Kelly同場演出，但在之前活動有和Kelly見面，覺得她keep得好好。
Fish說喜歡看Kelly的訪問：「因為我覺得佢個人同熒幕形象幾唔同，佢以前有好多角色比較有距離感，例如一啲專業人士或者好倔強嘅女仔，但訪問見到佢係傻大姐，好有趣。你會睇到佢嘅見解、睇嘢嘅方法，知道佢係好堅韌嘅女性，我都好想成為一個內心好強大嘅人。」
댓글