與Rosé同門！韓國國腳李剛仁加盟THEBLACKLABEL

韓國球星李剛仁（Lee Kang In）震撼跨界，THEBLACKLABEL正式宣佈，與李剛仁簽署經理人合約。李剛仁加入擁有 BLACKPINK Rosé、MEOVV以及朴寶劍等超強陣容嘅 THEBLACKLABEL，無疑係震撼體壇同娛樂圈嘅跨界合作！外界推測THEBLACKLABEL未來會為李剛仁處理體育事業外，亦會大力拓展喺時尚界同商業代言上嘅全球影響力。

官宣喜訊同時，亦曬出了李剛仁最新嘅個人 Profile 造型照。相中嘅佢身穿藍色牛仔外套配搭牛仔褲，展現出俐落又帥氣嘅時尚氣場，相片一出即刻引爆全網熱議！

THEBLACKLABEL 官方聲明：「李剛仁喺世界舞台上展現出卓越嘅天賦、專業精神同埋非凡成就，獲得咗廣泛嘅認可。

作為值得信賴 嘅合作夥伴，THEBLACKLABEL 將會為李剛仁提供全方位嘅堅實支持，陪佢迎接全新挑戰，開啟職業生涯嘅下一頁。」