王者歸來！BIGBANG宣佈8‧19新曲《BiiiG》回歸！

全球BIGBANG粉絲VIP等咗咁耐，終於等到！K-Pop傳奇天團 BIGBANG 正式宣佈強勢回歸！

韓國時間 8月10日凌晨12點，官方無預警震撼釋出首波預告，公佈BIGBANG 將喺香港時間8月19 日下午5點推出全新單曲 《BiiiG》！呢個消息一出，瞬間全球樂迷紛紛狂呼：「天團終於返嚟啦！」

作為久違嘅重量級新作，全新單曲《BiiiG》淨係歌名就已經霸氣十足，從官方率先公開嘅 Teaser 畫面可見，風格依舊充滿 BIGBANG 獨一無二嘅前衛視覺效果與強烈氣場，預計今次新歌將會再次衝擊全球音樂榜單，為 K-Pop 樂壇掀起全新風暴！

今次回歸更加係為即將展開嘅 BIGBANG 2026 WORLD TOUR 《XX : COSMOS》世界巡迴演唱會全力造勢！其中最令香港 VIP 興奮嘅，莫過於巡演香港站嘅細節已經敲定：BIGBANG 2026 WORLD TOUR IN HONG KONG 將會喺 2026 年 11 月 13 日至 15 日（星期五至日），一連三日震撼登陸全新地標 啟德體育園主場館！

屆時大家除咗可以現場親耳聽到全新單曲《BiiiG》嘅首演之外，仲可以帶埋最新發表嘅 20 週年紀念版應援棒，一齊點亮啟德體育園嘅金黃色皇冠海！各位歌迷記得密切留意搶飛詳情，準備迎戰呢場劃時代嘅音樂盛事啦！