楊千嬅廣州開騷捱熱暈住唱！丁子高撇甩老婆力戰HYROX

楊千嬅《Live MY LIVE 1.0》世界巡迴演唱會廣州站昨晚（16日）結束，連續兩晚演出吸引近十萬名觀眾進場，廣州站的歌單及編排亦驚喜處處，如加入全新串燒環節，《大激想》及《抬起我的頭來》等歌曲一出，全場觀眾立即站立大合唱，氣氛推至最高峰，更掀起網上討論，口碑佳激讚演唱會精彩無比，更盛讚千嬅在面對天氣、體力及演出壓力，堅持以最佳狀態完成

今次廣州站，千嬅大刀闊斧調整演唱會rundown，：「之前已經唱咗好多場，所以覺得要變下，自己有新鮮感，大家繼續保持新鮮感，睇得開心。」惟演出前夕即在總綵排當日，廣州突然狂風暴雨，雨勢甚至超越香港黑雨級別，整個團隊冒雨進行綵排，台底更是水浸，其後因閃電行雷及安全問題，決定中止綵排。

雖然公演當天沒有下雨，但由於部分內容未能完成總綵排，令千嬅承受相當大心理壓力，即使順利完成首晚演出，騷後她立即與團隊開會檢討細節。惟廣州停雨後氣溫急升，第二晚場內又熱又焗，唱到尾聲時，千嬅開始感到頭暈，體力不支，但她不捨得刪減任何歌曲，照唱下去。唱《飛女正傳》時，她唱了兩句後，笑著說：「我有啲攰……」然後索性坐在舞台上繼續演唱。台下歌迷即時大合唱為她打氣，場面溫馨感人。

演出後千嬅笑言：「簡直係《愛回家》第七十集，真係太熱又冇風，我覺得自己有啲暈，又唔似中暑，唱到好high，個心又唔捨得停。於是我就坐咗落地唱，坐咗一陣，覺得個人定啲，先再企返起身。」網上口碑迅速發酵，不少觀眾留言大讚新歌單驚喜十足，令千嬅十分開心。

千嬅在獻唱期間不忘感性分享：「好開心再次返廣州，好多香港朋友都嚟咗，歌迷會、不同城市歌迷，多謝你哋。我好慶幸成長裏面，得到好多唔同嘅故事。2019年開始做巡迴演唱會其實係一件難事，用廣東歌做巡演更加唔容易。」 她又笑言七年期間巡演發生好多故事:「夠我拍100集《愛回家》同埋上四次《東張西望》！哈哈。呢啲所有蝦碌、搞笑、嚇死人嘅事，我都覺得好珍貴。呢啲碎片，會係我人生最美好嘅回憶。好多謝所有知遇知音，我嘅團隊、我嘅音樂，同埋一直支持我嘅觀眾。我覺得自己真係好滿足、好快樂，每一分鐘都係。」

演唱會外，千嬅原創IP角色「Am'miri」亦成為廣州站另一焦點。公仔裝置於場館對面的商場展出，吸引近200萬人次參觀。千嬅綵排前一晚偷偷現身打卡，卻被歌迷迅速認出，商場擔心人潮聚集，急忙請她先行離開，更善意「勸喻」她最好不要再出街。

千嬅經理人兼老公丁子高，第一晚於場內為老婆打氣後，第二日竟然「失蹤」。近年HYROX 成為一項風靡全球的室內大型體能健身賽事，丁子高也是狂熱份子之一，而他「失蹤」是最去深圳參加比賽並在其年齡組別第六名！ 丁子高表示已經參加了五次，之前於泰國，香港，上海，台北也參加過，對於在比賽遇上Kenny 關智斌，他說：「Kenny 真係好勁呀，佢得到佢個個組別冠軍！我會努力追下，睇下可唔可以追近佢囉。哈哈。」