姜濤獲6,000粉絲預祝生日獲贈私家咪：「我不重要，你們每一個才是最重要。」

MIRROR人氣王姜濤於4月30日26歲生日，每年生日都獲全球「姜糖」花盡創意心思搞活動慶祝，今年「#姜濤香港後援會」別出心裁的舉辦多個活動，包括「4‧30電車免費乘車日」、在西九文化區舉行盛大尋寶主題活動「Keung To Birthday Treasure Hunt 2025」及姜濤服飾及相片展覽「The Keung’s Galleria」，以及今日（26日）在AXA x Wonderland竹翠公園舉行「The Keung's Show」，今晚更在西九文化區上演12分鐘的無人機表演，以及和約8分鐘的海上煙火表演。

獲超過6千名「姜糖」在今午出席「The Keung's Show」送上祝福的姜濤，以全黑造型現身答謝粉絲。當見全體「姜糖」以高舉紙牌人肉式砌出「生日快樂」字樣時，更令姜濤連聲讚賞，而他更獲後援會送上咪高峰。

姜濤說：「出道咁耐第一次有私家咪，我會一直用。我一直都有爭取歌唱方面嘅嘢，以後都會繼續唱好啲歌，試多啲新嘢，將最基礎嘅嘢做好啲畀大家，希望呢支咪可以陪住我，唱好每一首歌。」

「出道7年，時間過得好快，入咗呢行見到好多唔同嘅事情，經歷過好多唔同嘅嘢，學緊點去處理問題，好多嘢我都覺得未處理得好好，在座各位同其他人講鍾意姜濤時，身邊人嘅反應，我係覺得好對唔住大家，自己都有相當嘅程度去做好啲，我都希望大家照顧好身體，唔係每一個活動都要出現，你哋每一個人先係最緊要，我唔係最緊要，我希望我嘅出現，係令大家變成更好嘅自己，而唔係為咗我做好多辛苦嘅嘢，我知道你哋喺度就得。」

活動大會邀請曾為姜濤歌曲編舞、來自台灣的大目老師來港，演繹姜濤歌曲《Every single time》和《白果》，大目表示未與姜濤合作前，完全不知道他是誰，合作後佩服對方的努力，不時三更半夜找他討論排舞、又會偷偷到台灣找他練舞。姜濤見到大目十分驚喜，更即興要求跳《白果》。

#韓港報 #khongkongdaily #韓國娛樂 #香港娛樂 #姜濤 #keungto #keungshow #姜糖 #姜濤誕