《女神2》冷氣技工Oscar示愛！俞可程10日瘦12吋網民讚索：我好肉地，要努力減肥！

日前首播的《女神配對計劃2 》中，其中一位「求愛勇者」現職冷氣技工的 方智弘 （Oscar），被指跟福山雅治撞樣，高顏值及得體對答，一夜爆紅，不少網民稱要找Oscar「洗冷氣」！Oscar被問到《女神2》中喜歡哪一位女神，他說喜歡比他大兩年的「東張女神」俞可程（Kanis）：「係可程姐姐！因為我本身係喜歡『姐姐』，佢係中我嘅『姐姐』type！」俞可程未和其他女神「爭仔」，已獲「冷氣男神」Oscar公開喊like，不枉她一早啟動瘦身計劃，更是成功地10日內減了超過12吋！

俞可程除了主持《東張西望》，繼《魔音女團》後即接拍《女神2》，入行只有兩年，早前更獲首個演藝大奬，在Dr.Angel唐安麒與韓國合作的《ACE FACE OF HONG KONG AWARDS 韓國最耀眼香港之星頒獎典禮 》中奪得「最耀眼新晉主持」。頒獎禮當日她明顯清減，她說因《女神2》而接受瘦身療程及改變飲食方法。

日前有網民在threads爆料指巧遇她，稱她以前「大隻」，現在判若兩人：「咩日子？行行吓見到東張女神！睇電視嗰個配對節目話，個靚仔冷氣技工Oscar鍾意佢，唔知堅定流，俞可程真人都幾索，腿又長腰又幼，以前睇相佢好大隻」。相中的她身材「凸」出，腰枝纖幼，一雙修長美腿超吸睛，網民紛紛大讚無添加fit爆，而她親自留言：「多謝你，我本身都係有肉地，呢排好努力減肥！」

近日有不少市民稱在高壓傳銷下被迫購買高額美容產品和療程， 俞可程接受訪問時，說選擇瘦身美容店要識揀，「我去嗰間健康瘦身中心係老字號，出名係『唔劈客唔呃人』，所以我好放心之餘，去做機真係好有效果！透過『做機』同埋依住『宇宙飲食法』，估唔到減肥都可以食得飽，10日內全身已減咗超過12吋！肚仔減咗超過2吋，就連大脾都減咗超過1吋，減咗超過4磅，10日咋，amazing！」

俞可程續說：「因為之前成日去做GYM，愈做愈多肌肉，所以啲肉『實的的』，腰、肚同腿以前點減都唔掂，好困擾！做運動係好，但對於一啲『鬼祟肉』脂肪，做機真係好有幫助，『做機』即係做『增肌減脂』、『溶脂燃脂』嗰類療程。最大驚喜，真係令肚仔同大脾位瘦得勁明顯。雖然暫時做咗幾次，但做咗頭兩次之後，好多人已經話我個肚瘦咗，大脾都幼咗，仲要係firm，好似之前啲肉冇出現過咁，估唔到局部減肥係咁work。啱啱度埋肚仔同hip位，真係瘦咗勁多！『做機』同埋跟足『宇宙飲食』，可以咁見效，仲要係『有啖好食』唔使捱餓！」

俞可程說只要按「宇宙飲食 」的7分蔬果加3分肉或澱粉這飲食方法，可以吃得飽外，更覺得體質比前更好，故不會再信只有節食才可減肥這說法。