TWICE定延親自宣布離開JYP！加盟 VARO 與親姐孔升妍同門！

TWICE 成員定延（Jeongyeon）今日（10日）正式宣佈告別合作多年嘅老東家 JYP Entertainment，並轉投 VARO Entertainment，與親姐姐演員孔升妍（Gong Seung-yeon）、邊佑錫、晉久以及李彩旻等人成為同門！

定延於今日親自喺 Instagram 上載親筆信，向粉絲親口證實離巢消息，坦言離開熟悉 嘅地方雖然會害怕，但因為有成員同 ONCE 嘅信任，令佢鼓起勇氣邁向人生新篇章。

隨後，新公司 VARO Entertainment 亦喺同日發表官方聲明：

「我哋非常高興能與擁有多元魅力與無限潛力 嘅劉定延結緣。我哋被佢對演技 嘅真誠態度深深打動。未來除咗會全方位支持佢以演員身份展開全新挑戰之外，亦會全力配合，確保佢 嘅 TWICE 團體活動能夠順暢進行。」

 定延手寫信全文：

「你好，我係定延。喺反覆思考要點樣表達我嘅心情之後，決定寫下呢封信跟大家分享。JYP 自從喺我十幾歲起，就係我嘅第二個家；喺呢度我度過咗好長 嘅時光，亦累積咗無數寶貴嘅回憶。依家我準備喺一個全新 嘅地方，開啟人生嘅新篇章。

要離開一個咁熟悉嘅地方，起初確實令我感到惶恐，但多得一直信任我 嘅成員們同埋 ONCE，令我終於鼓起勇氣。對於成員們同 ONCE，我心中嘅感激非言語所能盡錄。同時我亦非常感謝陪伴我成長、成就今日 嘅 JYP 家族。

我最想對 ONCE 講嘅一句話係雖然我即將展開新嘅挑戰，但作為我人生核心嘅 TWICE，將會一如既往、絕不改變。作為 TWICE 嘅成員站在 ONCE 面前，永遠都會係我嘅首要考量。

無論係大家所喜愛嘅『TWICE 定延』，定係即將迎來全新挑戰嘅『劉定延』，我都會傾盡全力、一步一步好好準備。

由衷感謝大家一直信任我、陪喺我身邊。我哋未來仲有漫長 嘅歲月可以去創造新 嘅回憶，我會更加努力，同 ONCE 一齊將呢啲瞬間填滿得更加美好。永遠感謝大家。」

定延自 2015 年以 TWICE 成員身份出道以來備受喜愛。今次雖然換咗新東家，但佢霸氣打定強心針承諾「絕唔退團」，讓全球粉絲ONCE 相當放心。祝願定延喺全新 嘅演員賽道上繼續發光發亮！