TWICE 彩瑛同 Zion.T 驚傳分手？

K-Pop 界傳出TWICE成員彩瑛與歌手 Zion.T 已經結束情侶關係，不過隨即被雙方公司否認！雙方經理人公司發表聯合官方聲明，澄清分手傳聞「完全係子虛烏有」，更證實兩位依然感情穩定。同時，聲明亦正式宣佈彩瑛已成立個人獨立廠牌「LIL FANTASY」，邁向事業全新里程碑！

雙方經理人公司聯合官方聲明全文：

1. 分手傳聞完全係子虛烏有。經與藝人本人確認後，證實兩人目前依然懷住好感，繼續保持着美好嘅戀愛關係。

2. 關於強硬應對散播虛假訊息嘅公告：雙方經理人公司將會持續監察，確保藝人名譽唔會因無根據推測性報導、與事實不符虛假訊息散播或惡意留言而受到傷害。對於基於未經證實嘅事實而進行嘅報導及散播行為，將會採取強硬 嘅法律行動。

 彩瑛成立獨立廠牌「LIL FANTASY」個人事業再出發

今次澄清聲明更正式公佈咗彩瑛成立廠牌「LIL FANTASY」嘅喜訊！愛情事業兩得意 嘅彩瑛未來會帶來咩全新音樂作品，令全球粉絲都非常期待！