Edan認對林明禎認真求給予空間姜濤經一事長一智 Jeremy無損作曲信心
- 韓港報小編
- 1 day ago
- 2 min read
MIRROR小隊「妹豬組」Anson Lo（盧翰霆）、姜濤、Edan（呂爵安）、Jeremy（李駿傑）為ViuTV新節目《呂濤米 Lo Seoul》出席宣傳活動。日前在直播中與「爵屎」分享感受的Edan，說經歷了好多，發覺以前的自己不見了，想尋回輕鬆的自己：「想改變，集中喺自己同愛自己嘅人，唔想再避忌同忐忑。」更說直播後心情變得輕鬆。
Edan求給予空間
至於在直播中提到「佢係一個好好女仔，佢係我身邊好重要嘅人。」，Edan被問到是否公開認愛時，他說：「我趁機會講一次，以後唔會再講，自從我公開追林明禎後，佢受好多攻擊，好多聲音同惡意，完全明白佢感受，佢一個女仔承受唔簡單，係因為我先有呢件事發生，一直想做啲嘢去保護佢，但因為我驚，所以避而不談，但可能態度令大家有啲誤會，無論我乜都好都被人鬧，不如我做一件覺得啱嘅事，所以講畀大家知，佢係好好女仔，對我來講好重要，我唔開心，佢幫我好多。我知控制唔到外界同Hater攻擊佢，但想啲人唔好再攻擊佢，盡我嘅力，希望大家唔好難為佢。大家畀空間我，我對佢好認真，好想保護佢。」
Anson Lo強化體能
Anson Lo在IG分享滿頭大汗自拍照，化身為「流汗霆」，他表示最近除工作以外，都是如常頻密做Gym、學唱歌及Grounding：「以往喺演唱會前一個月練跑嘅習慣，今次嘗試喺半年前開始，集中練氣、穩定呼吸、體能鍛煉，今年開始修線條，重訓加帶氧運動將會不斷進行，希望自己成為一個更好嘅表演者。」
談到之前被拍到在活動瞌眼瞓，他解釋當時太忙好累加上身體不適，才閉目養神：「幾無聊，冇壓力，冇唔開心，大家都知我唔係唔尊重工作嘅人，經一事長一智，將來眼瞓，打自己大髀，唔舒服就舉手去廁所。」
姜濤經一事長一智
姜濤早前參與海洋公園熊貓活動時，女護員指熊貓瞓緊覺，當時他說「好眼瞓」而無端被指無禮貌。姜濤說︰「我以後都唔講，對唔住大家，係嘅係嘅，經一事長一智，以後再做好啲，所以你見我今日無打喊路。」
對於一句說話被放大，他表示已習慣：「大家承受嘅嘢，習以為常，想再好啲，唔會唔開心，做好啲囉！無人可以做到最好，係好主觀嘅。」
Jeremy無損作曲信心
Jeremy的跳唱歌《Tie Me Now》，被網民質疑抄襲韓團Stray Kids歌曲《Red Lights》，連MV也相似，現在《Tie Me Now》已重推新版，MV已下架。Jeremy說沒有作曲的信心，正與團隊商量拍攝全新MV，他更說MV被指相似，因音樂類型相近：「意識到呢件事，所以先至推出新版本。」
Jeremy說因事件各有不同論點爭論，見大家不開心，自己亦不開心，知道問題出現盡快處理，「下架事件令好多人討論，我和團隊都不捨，艱難下做出這個決定」。他說最初做歌想大家看見不同面貌的自己，現在的結果非他想看見，希望之後可以做得更好。
Comments