BLACKPINK承認10周年活動出問題 Jisoo淚崩道歉
- 韓港報小編
- 3 days ago
- 2 min read
8 月 8 日係頂流天團 BLACKPINK 出道十週年嘅大日子，本來四小花難得合體，全球粉絲「BLINK」應該開開心心慶祝，但點知經紀公司 YG 娛樂嘅「奇妙」安排，加上成員們嘅「天然呆」操作，竟然令呢個十週年由一場公關大災難，演變成全網最爆笑嘅迷因熱話！即刻同大家手把手還原呢場轟動韓娛圈嘅完整事件：
前傳：40人見面會引發「公關大災難」！更有日粉激進砸總部？
今次 YG 籌備十週年真係被全球粉絲鬧爆敷衍。作為全球第一嘅世界級女團，官方搞嘅非公開紀念見面會，全場居然只抽 40 個幸運粉絲入場！全網粉絲即刻鬧爆，，痛批公司根本冇誠意、只想靠賣 十週年周邊賺錢。
可能怨氣太深，日前一名日本女粉絲太過憤怒，竟然手持高爾夫球桿去到首爾合井洞嘅 YG 總部大樓，瘋狂敲砸玻璃大門，最終被保安制伏並遭警方當場拘捕，直接登上了南韓社會新聞頭條！
直播現場：Lisa 大懵切錯鏡頭！Jennie 表情管理失控當場笑瘋
不過，最魔性嘅畫面反而出現喺昨晚（8 月 9 日）嘅十週年官方慶祝直播！四位成員坐定定同粉絲傾計，期間大癲大肺嘅 Lisa 竟然非常坦白咁對住鏡頭話：「其實我完全冇為十週年做過任何準備……」已經夠搞笑，點知下一秒佢想用手機展示相片嗰陣，竟然大懵切錯咗前置鏡頭，直接將大頭反轉畫面投射咗出嚟！
坐喺隔籬嘅 Jennie 睇到呢幕，當場反應唔切，完美嘅表情管理徹底失控，直接爆笑到崩潰。雖然場面一度非常尷尬，但四小花驚慌失措又大笑嘅真實互動，反而令一眾網民大讚「呢份大懵好有親切感」、「果然還是當年的四個小女孩」。
暖心逆轉：成員極力救場，大姐 Jisoo 下班路淚崩痛哭
喺韓國國立中央博物館舉行粉絲見面會前，4名成員合體開直播， Jisoo代表發言：「今日係非常重要嘅日子，本想舉行一場大型慶祝活動，同很多粉絲見面，但因溝通出現問題，令大家感失望，真係非常抱歉，我們想講聲『對不起』，也想話畀大家聽『我愛你們』，希望大家能夠理解Blackpink嘅感受。」
完結後Jisoo 看到在外面守候、卻無法入場嘅大批粉絲，因為覺得活動名額太少、對粉絲感到極之愧疚，竟然心疼到喺保姆車度直接淚崩痛哭！佢隨後亦喺官方平台罕見發長文向所有 BLINK 誠懇致歉。全靠成員們對粉絲嘅真心，風向瞬間大逆轉。
Comments