BIGBANG進軍宇宙！驚喜出任宇宙航空廳代言人 ＋ 慶祝 20 週年正式出新歌！

BIGBANG回歸驚天動地，今次唔止震撼樂壇，直頭係要「衝出地球」！南韓的國家「宇宙航空廳（KASA）」正式宣布BIGBANG 擔任KASA初代「榮譽宣傳大使」！

沒錯，你冇聽錯，真係負責研究航天太空、火箭同衛星嗰個宇宙航空廳！網民紛紛激讚，話全韓國最適合代表「宇宙」嘅男團絕對非 BIGBANG 莫屬，畢竟佢哋當年一首《FANTASTIC BABY》同《BANG BANG BANG》早就已經洗腦洗到好似外星訊號一樣。

對於全球粉絲「VIP」嚟講，最令人興奮絕對係YG娛樂同步公布嘅20週年音樂喜，就係BIGBANG將發行全新數碼單曲《BiiiG》！

今次新歌不單止送畀粉絲嘅 20 週年大禮，隨即會全面啟動全新一輪嘅「世界巡迴演唱會」。由當初嘅皇者回歸，到今日直升做宇宙航空大使，BIGBANG 用實力話畀大家聽，咩叫真正嘅頂流天花板！

各位 VIP，開始儲錢準備搶世巡演唱會飛未？一齊大喊一聲「Wow, Fantastic Baby」啦 🚀🔥