早前《ACE演藝模特大賽》頒發「Uplive人氣之星大獎」，經過網民親自投票，以及以收取禮物U幣金額來計算，最終由莫麗淇Niki Mok 、Emmy Wong及「最美丫鬟」陳婉婷Hebe Chan分別奪得金、銀、銅三個大獎！
成為Uplive 破億主播的Niki Mok ，說要感謝大家在團隊經理人生日當天，替她打造破兩億的紀錄：「亦係兩位《飛行淇》團員喺UpLive支持我一周年嘅紀念日，四喜臨門！非常感恩《飛行淇》後援會團隊花上近60萬港幣嘅重量金支持，其實我根本稱唔上有咩人氣，全部都係佢哋將我捧上去，冇佢哋，我乜嘢都唔係，感恩後援會管理層同團隊嘅團結精神。」她續說會跟團隊慶祝，她更親自炮製美味小食、設計頭像紀念品等，以報答他們的支持，並說會是繼續努力把快樂帶給觀眾。
Niki Mok日常在直播中愛分享作曲填詞、唱歌、跳舞、養寵物或煮食等心得，常給網民有快樂陽光的印象，她說當初選擇當直播主，源於一顆自由的心：「本身鍾意自由，如揸小型飛機，周圍去旅行，追極光，而做直播主可以冇時間地方限制，去旅行開直播，又可以帶觀眾眼睛去旅行。不經不覺經歷咗5年半嘅直播生涯，我只係將直播成為我嘅生活，將粉絲當成家人，將自己當成嫁咗俾公司，將自己嘅歸屬感去感染其他人。我成日覺得要做好自己，唔會評論其他主播或用戶，做好本份，唔比較、虛心學習，總之將話題喺提升知識上。」增值是她一直的堅持，並獲不同名師指導，包括跟康絃進修鋼琴，跟音樂人伍樂城進修聲樂技巧等，疫情期間還考車牌、急救牌及船牌等，並曾到美國進修晉級飛行，故被稱為全球唯一的「海陸空主播」。
Uplive是香港第一大直播品牌，自2016年登陸香港後，用戶人數節節上升，目前香港註冊用戶已突破百萬人，主播更已衝破萬人，每日為香港在內的全球3億用戶提供嶄新娛樂直播體驗。同時在美國、印度、越南、沙地阿拉伯、東南亞等國家與地區營運，並服務全球150多個國家地區用戶。2019年Uplive榮獲Twitter授予的「最具國際影響力品牌獎」
Comments