「美容教主」唐安麒與韓國社長合辦的Ace Entertainment，打造的《2023 ACE演藝模特大賽》準決賽日前舉行，當中以「Face Of Hong Kong（FOHK）模特組」的戰情最激烈，14強順利誕生，晉級7月總決賽爭奪冠軍位置。「Face Of Hong Kong」冠軍不單被安排直送韓國接受模特訓練，更代表香港出戰韓國模界年度盛事《Face Of Asia》，跟來自韓國、日本及泰國等地的模特新星爭奪總冠軍，機會難得！一人一個故事，是畫出彩虹，還是塗抹泥沼，改寫人生的那支畫筆，永遠是勇氣和自信所鑄成。交鋒前夕，14強分享既驚且喜的心情。
【160號魏海秋（Yuuna）：做孩子的榜樣】
Yuuna淡定的臨場表現，加上自信甜美的笑容，令評判留下深刻印象。熱愛手工藝及繪畫的Yunna，開設網店售賣永生花等，尤其過時過節更忙得團團轉，同時又要照顧年幼的寶貝，分秒必爭是其時間管理學的法門。心思時間全花在心愛的工作及孩子上，但夢想未有被歲月磨滅，今次參加比賽，是挑戰自我極限，也是她覺得作為單親媽媽，心動不如行動，親自做個好榜樣給家中的小寶貝看：人生滿挑戰也滿希望，快樂是垂手可得。Yuuna說：「雖然依家小朋友好細個，未知我做緊乜，我好想佢日漸成長時，佢聽到睇到我做緊啲乜，我好想話畀佢知：『你將來都可以學我一樣，勇敢挑戰自己！』無論我有冇入圍，就算今年唔得，下年再嚟過囉！」
【40號沈靖喬（Ching Q）：趁後生要有新嘗試！】
KOL沈靖喬（Ching Q）曾參加ViuTV選秀節目《Good Night Show 廣告女皇》，雖然是「細細粒」一族，但在泳衣環節中奇「峰」「凸」出，憑豐滿上圍及「蛇腰」，加上白滑皮膚令吸睛度爆燈！現年25歲的Ching Q，直言成功入圍感興奮：「因為其他參賽者好犀利，會擔心自己係咪入到圍，所以成日照鏡加強表情管理，同埋練習行catwalk。好希望去韓國出賽同受訓，因為我好喜歡韓國嘅文化，好想借呢個機會去體驗同交流，趁後生可以有多啲新嘗試！」至於身材更比初賽時更fit，Ching Q說全靠「Angel Diet 宇宙飲食法」：「首先要多謝唐安麒博士贊助瘦身療程，加上進行『Angel Diet宇宙飲食法』，可以喺短時間之內，令體態更完美更好睇，呢個飲食法，不單好快收身，仲有更健康嘅效果！」
【56號李念卿（Suzzara）：我而家有嘅係自信！】
現年23歲、身為模特兒的Suzzara身材驕人，上圍達36E屬「巨無霸Cup」，但她靠的並非魔鬼身材，而是不斷向前衝的勇氣，她曾代表香港參加選美大賽《Miss Tourism Queen Worldwide 》，雖然未能奪獎，但她視為難得的人生體驗，更認為出色的模特兒是要具備個人風格及自信：「之前參加選美雖然冇獎，但係一個難得嘅體驗，事後睇返自己嘅體態同步姿，真係有好不足嘅地方。今次參加ACE演藝模特大賽，係想年青時攞多啲經驗，加上我好渴望接觸多啲韓國文化，尤其係韓國嘅modelling，所以爭取機會參加。我認為專業嘅model係要有個人風格同自信，我而家有嘅係自信，呢點係好緊要。」
【24號何敖怡（OEE）：將經驗分享畀大家】
OEE是模特兒，在今年年初在台灣完成大學課程回港，她說也愛唱歌及拍戲，最希望代表香港出戰韓國：「透過舞台同鏡頭，我希望可以攞番多啲自信。之前喺台灣參加過模特比賽，當中嘅寶貴嘅體驗同學習，好想返來香港之後，展示同分享畀大家睇。外國模特兒比較cool，而韓國嘅模特兒行出嚟，畀我感覺係好有笑容同自信，好有感染力，所以知道呢個比賽可以去韓國接受模特訓練同比賽，係決心報名嘅原因。」
【2號郭恩程（Kelly）：曾為身材焦慮】
身高1.78米、24歲的Kelly絕對是「高人一等」，說從來未參加過大型演藝模特比賽，今次能入圍感到興奮及激動：「舊年已經想報名參加，但當時覺得自己未夠水準，對自己嘅身材都焦慮，今年再見到呢個比賽，鼓起勇氣二話不說參加，因為我覺得要挑戰自己！韓國或其他國家嘅model都係好高，以我1.78米嘅身高，我覺得係可以發揮嘅優點。唐安麒小姐喺美容界非常出名，所以佢同韓國社長搞呢個比賽，係一個原動力，令我好放心去參加，而勝出者可以去韓國受訓同參加《Face Of Asia》，呢點更加吸引我，尤其我好喜歡韓國嘅文化，如果我可以代表香港以模特兒身份去韓國出賽，當然係難得嘅經驗同埋深感榮幸。」
【Uplive主播陳婉婷無奈退賽】
有「最索丫鬟」之稱、轉投KOL行列身成為本港最大直播平台Uplive直播主持的的陳婉婷（Hebe）因病臨時退賽！Hebe在初賽前雖扭傷腳踝，仍堅持負傷上陣，並晉身準決賽，惟在準決賽前夕，因確診患有新冠肺炎，無奈宣布自動退選，Hebe在ig狂呻：「早唔中，遲唔中，偏偏而家先嚟中！好可惜好遺憾，白費咗之前嘅努力準備，本來要參與準決賽，但好遺憾，因病未能出席。」
Hebe確診後獲大批網民留言祝福，而她當直播主持後人氣更升，因其效力的直播平台Uplive，是香港第一大直播品牌，自2016年強勢登陸香港後，深受本地用家喜愛，用戶人數節節上升，目前香港註冊用戶已突破百萬人，主播更已衝破萬人。Uplive每日為香港在內的全球3億用戶，提供獨一無二的娛樂直播體驗，同時在美國、印度、越南、沙地阿拉伯、東南亞等國家與地區營運，並服務全球150多個國家地區用戶。2019年Uplive榮獲Twitter授予的「最具國際影響力品牌獎」。
Comments