] 各位睇住《志明與春嬌》長大嘅巴打絲打，內地綜藝節目《披荊斬棘 2026》公布咗本季 28 位參演男藝人嘅「披哥」名單，當中最矚目，絕對係剛剛宣布結束 8 年婚姻、重回單身嘅余文樂！ 今次係余文樂離婚之後首度正式回歸幕前，喺率先曝光嘅「超前企劃」宣傳影片入面，樂仔透露自己過去幾年將重心放喺家庭同個人潮牌，已經好耐無試過好似依家咁，為咗舞台而瘋狂排練、流汗。 不過，全片最眼濕濕兼爆笑嘅驚喜彩蛋，就係大會特別搵嚟佢嘅「宿世姻緣」—— 「春嬌」楊千嬅 拍片驚喜現身！千嬅喺影片入面一如既往咁幽默，隔空為「志明」打氣，仲開玩笑大讚樂仔：「樂仔嘅舞蹈實力真係有 10 分，直頭係無人能敵呀！」 千嬅呢份跨時空嘅全力相挺，當場令原本神情有些少嚴肅嘅余文樂開懷大笑，兩個人嘅隔空互動真係回憶殺滿滿！唔少網民今日睇到片段都紛紛留言打氣，話好期待睇到「張志明」喺舞台上挑戰跳唱突破自己。