鏡粉們！！大家最期待嘅畫面要嚟喇！ 12子終於又合體拍新團綜呀！ 話說 MIRROR 12位成員親口證實咗新節目已經拍得如火如荼，而且好快就會喺 10 月中旬正式首播！ 訪問三大爆笑亮點： 教主 Anson Lo 被指「理解力最弱」？ 隊長 Lokman 爆料話玩遊戲嗰陣，其中有一個隊員「理解力有問題」，一條遊戲規矩要問好多次。雖然冇開名，但 12子全體眼神即刻秒速望向 Anson Lo！側邊嘅 Edan 仲好衰咁幫手認：「我？係我係我！」幫教主頂包，真係相愛相殺！ 姜濤「招牌彈額頭」隨時重出江湖！ 既然今次破天荒有「獎金機制」，大家都雙眼發光。有獎就有罰，訪問問到姜濤嘅招牌「彈額頭」會唔會重現，大家都話非常有機會！Edan 仲喺現場起鬨，叫最近請大家食飯、又被傳做籃球隊班主嘅姜濤不如考慮做埋「馬主」，姜濤直接無奈苦笑。 大表哥 Stanley 慘遭 Edan「狂誅」！ Stanley 分享同影帝張家輝合作新片嘅感受，點知一時口誤，現場即刻俾口齒伶俐嘅 Edan 瘋狂咬住唔放、無限狂窒，連旁邊嘅 AK 都一齊起鬨，現場笑到失控。...