香港迪士尼樂園擴建計劃︱全球獨家 Pixar 新劇場＋Marvel 主題區升級全攻略！

迪士尼迷同 Marvel 迷注意！剛剛完結嘅 D23 全球粉絲大會帶嚟超級驚喜 — 香港迪士尼樂園 正式宣布最新獨家擴建計畫！今次唔單止有專為香港原創嘅 Pixar 故事，連復仇者聯盟園區都會大幅加碼！即刻睇吓有咩必睇亮點同隱藏細節

亮點一：2027 上半年登場！全新 Pixar 主題「無邊實境劇場」

地點：「反斗奇兵大本營」全新大劇場

獨家主角登場｜甜美害羞毛絨玩具 Poppy

故事背景：Poppy 跟隨小主人 Aria 從香港搬到安仔家隔壁！因為去到新環境太緊張，每次不知所措就會蜷縮成一粒小球球

港式童年回憶：小主人 Aria 帶咗超多香港特色紀念品過去，後院遊樂空間會出現中國象棋、搖鼓、地道蛋撻等地道元素，香港人睇到一定超有共鳴！

經典角色齊集：安仔嘅玩具們（胡迪、巴斯光年、翠絲、抱抱龍）會全體出動幫 Poppy 融入新環境，帶大家穿梭《怪獸公司》、《反斗車王》、《超人特工隊》同《玩轉腦朋友》嘅奇妙世界！

港美跨國合作主題曲《Bloom》 特別收錄兩首由香港同美國 Disney Live Entertainment 團隊聯合創作嘅原創歌曲，當中主題曲《Bloom》節奏輕快又洗腦，唱出關於成長同友誼綻放嘅感動～

荷里活頂級幕後陣容＋光影魔幻工業（ILM）加持

神級編導加持：集結《沖天救兵》編劇 Bob Peterson、《玩轉腦朋友 2》導演 Kelsey Mann 同《反斗奇兵 5》故事總監 Jason Katz 共同編劇！

電影級視覺特效：迪士尼首度聯手 Lucasfilm 旗下嘅 ILM（Industrial Light & Magic），結合現場真人演員、實體佈景同千變萬化嘅數碼效果，打破舞台同銀幕界限！

亮點二：Marvel 迷尖叫！明日世界天際線重塑＋復仇者聯盟擴建

全新昆式戰鬥機停機坪 明日世界延伸區域將會增設昆式戰鬥機停機坪（Quinpad），賓客去到隨時會同 Marvel 超級英雄驚喜偶遇同合照！

全新史達科技展館｜同蜘蛛俠並肩作戰

史達工業聯同蜘蛛俠（Peter Parker）等頂尖專家喺全新實驗室研發突破性科技，點知引來最強強敵！

賓客將會親身加入戰局，同蜘蛛俠以及一眾超級英雄穿越瓦干達、聖域界迎戰強敵，刺激感滿分！

全球唯一坐落於壯麗山海之間嘅迪士尼樂園 香港迪士尼唔單止有靚絕全球嘅自然山海景觀，今次仲加入咁多專屬香港嘅獨家元素，真係令人超期待呀！

快啲 Tag 埋你身邊嘅迪士尼狂熱粉、Pixar 控同 Marvel 迷，準備 2027 年一齊去解鎖全新奇妙體驗啦！