為Twins演唱會忙不停的蔡卓妍（阿Sa）日前說要為「大仔」慶祝生日！原來所指的「大仔」正是其父Sa爸！日前阿Sa為Sa爸和其「細女」即愛貓「嚦咕」慶生，更指「大仔」Sa爸早前曾不慎跌倒，令她十分擔心。
公開慶生照的阿Sa說：「今日係我大仔同細女嘅生日，生日快樂，我大仔今年唔小心跌親，嚇到我呢⋯希望佢以後身體健健康康，快啲好返，出入平安，繼續做Peter Pan，無憂無慮，自由自在。我都祝我細女身體健康，冇病冇痛，繼續食得玩得瞓得」，相中見Sa爸精神不俗，相信身體並無大礙。
另外，日前阿Sa和鍾欣潼（阿嬌）於佛山完成了第13場內地巡迴演唱會，加上年頭香港的14場紅館演出，至今已唱了27場，是打破出道以來在一年中最多演唱次數，而Twins在下月開始更要到倫敦、溫哥華、多倫多及拉斯維加斯等地方巡演。佛山一站是Twins在內地巡唱的最後一場，歌迷也表現特別不捨，從第一首歌開始已企晒起身邊唱邊跳，直到散場也不肯坐低。阿嬌見歌迷熱情，已經開始感動到眼濕濕：「嘩，咩事，一出嚟就已經想喊。」歌迷的大合唱令Twins感動到多次眼濕濕，至完場時終也忍不住淚水。
雖然阿Sa是11月生日，但當晚阿嬌趁着是尾場搞預祝兼送驚喜，一早為全場預備「蔡卓妍生日快樂」橫幅，並號召過萬名觀眾高舉生日牌及唱生日歌，阿Sa說十分感動，更多謝歌迷陪著他們完成今年打破演唱會紀錄：「真係好唔捨得呀，多謝大家陪我地一路完成呢個巡演，一路上好多應緩，好多愛。多謝大家陪住我地走過呢23年！之後我地去英國、加拿大，唔知會唔會再見到你地呢？」
為了即將展開的外地巡演，阿Sa說特別訂製了Twins專屬的行李帶給工作人員，並期待去加拿大看尼瓜拉瓜大暴布，又說自己生日當日，碰巧是加拿大巡演，當地朋友已準備為她慶祝。加拿大的冬天特別凍，阿Sa和阿嬌坦言十分怕凍，阿Sa謂說已學會自製「穿載甲」。
阿Sa更說往英國一站時或者會約Wyman見面：「佢對『多謝失禁』，『愛情當入土』好有興趣，哈哈，見面一定同佢度下。」阿嬌則說首次在英國過聖誕節，並構思屆時有聖誕特別版的演出：「海外場冇依家咁大，同觀眾距離好近，應該會更加開心，或者可以叫佢地再扮番twins造型入場，或者扮聖誕樹，我地可以揀最佳衣著，著得勁個個一樣有大獎。」
Comments