top of page
  • 韓港報小編

【#香港娛樂 】Edan操肌梁詠琪畀Like 魏浚笙游到甩褲成焦點





ViuTV劇集《I SWIM》開播後引發網民熱話,一眾男演員包括MIRROR成員呂爵安(Edan)及魏浚笙(Jeffrey)等全部騷肌上陣。近日較搶鏡的,是飾演插班生的Jeffrey只穿孖煙囱跳落水,邊游水邊甩褲,十分搞笑!Jeffrey說有做足安全措施,穿了肉身打底褲:「拍時唔會尷尬,因為投入咗個角色,比緊賽就算甩咗褲,都要攞番條褲衝去終點,呢個係選手應有嘅態度!」他十分謙虛的說自己身形一般,認為不及邱士縉(Stanley),但平時照鏡見到自己一身肌肉時,也會情不自禁「自high」!


另外,人氣王Edan的演技一向被指不錯,在新劇中一樣有不俗的發揮,但被指咬字不清,Jeffrey即為對方平反:「佢不嬲都知道呢個問題,會咬住紅酒木塞練咬字,努力去改呢個壞習慣。」而向來謙虛受教的Edan也知道問題所在,他在ig發文時說:「放心,我全部都睇到的,多謝你們的意見,會繼續改善!」


Edan更說一年前所飾的角色是《大叔的愛》「田一雄」,一年後是《I SWIM》的「李馬榮」,兩個角色性格迴然不同,但《I SWIM》令他感受至深:「這次的李馬榮,絕對能稱得上是田田的相反吧,所以對自己來說的確是一個很大的挑戰,但老實說,真的挺喜歡李馬榮這個角色。」而Edan一直為此劇操肌多時,女星梁詠琪近日分享之前和Edan拍電影《闔家辣》時,Edan抽空用啞鈴健身的短片,她留言:「我個仔又靚仔又大隻,真材實料嚟㗎!記得同Edan拍戲時佢一有時間就操肌肉,非常認真!」


相片來源:呂爵安ig , 魏浚笙ig, 梁詠琪ig

Comments


bottom of page