top of page
  • 韓港報小編

【#香港娛樂 】自爆曾被欺凌失自信 鍾嘉欣:唔好攬上身!



早前宣布懷有第三胎的女星鍾嘉欣(Linda),現在於加拿大養胎中,同時積極經營自家YouTube頻道,近日她上載名為「How to Deal With Difficult People」的短片,分享如何面對欺凌,片末她更引述父親的一句話:「學會後退,學會放下,自然就會開心歡喜」。


Linda以「幸運」來形容38年的人生,最大的得着是:「做人唔好咁認真!」她說:「大家同我一樣,都會遇到唔如意嘅人或事,有時會覺得:『有冇搞錯?咁唔公平嘅?咁唔順利嘅?點解呢個人會傷害同挑剔自己?』我拍戲時曾經遇過一啲人,令自己好難受、失去信心,甚至有bully嘅感覺。以前我唔識去處理,會係咁諗係咁諗,諗點樣去解決,諗點樣停止佢唔好再傷害我,但而家學識咗,就係要deal with nothing!」


「你要明白,有人唔鍾意你或去挑剔你,其實係佢嘅own story,係佢問題,你唔好攬咗上身。花心思去諗,只係折磨自己,唔係折磨佢,唔好咁傻,我哋要留番一啲空位,畀啲好嘅嘢去吸收,唔好攞人哋唔好嘅嘢,唔好理佢!你愈畀反應,佢能量會愈大去搞你。」


Linda說回應欺凌者的方法,就是漠視,又或「笑笑口」,久而久之對方會感到「無癮」後就會收手外,更說「做好自己」就是王道,不隨波逐流,隨心而行是最安然,反之常用腦袋思考易增加負能量:「以前我睇嘢好認真,唔放過自己。人生得一個,呢個係你嘅人生,唔好跟隨世俗,唔係人哋話好就係好,你要聆聽自己個心。」


‧鍾嘉欣《How to Deal With Difficult People》短片:https://youtu.be/XmUdLkjXw60

‧相片來源:鍾嘉欣Youtube截圖及instagram

Comments


bottom of page