愛是什麼？古今對愛這課題，不同詮釋，各有調論。愛，可令你萬劫不復的沉溺甜和苦，也有愛過痛過，劫後餘生，寧做逃兵。任何一種關係，始終建基原始式的愛，之後如何變質，是得是失，總算愛過一場。尤其現在，真正的愛，更是彌足珍貴，畢竟說句愛你或給一個心心emoji，實在是彈指之間般容易。但，愛，始終是不可或缺。
樂壇天后鄭秀文（Sammi）20年前和LMF合作炮製的《愛是...》，2023年愛不完，來個延續篇，邀請有哲學界KOL「好青年荼毒室」其中三位成員：豬文、鹽叔和阿泉合作，以哲學角度談情說愛，化成《愛是...2.0》。
「好青年荼毒室」由13位熱愛哲學的年輕人組成，自2016年起活躍不同平台，透過文章及節目研討哲學，而豬文是牛津大學博士，鹽叔是倫敦國王學院博士生，而阿泉是香港中文大學哲學系博士生，Sammi說是他們的Fans：「有一日我喺屋企忽發奇想，諗起20年前我首歌《愛是...》，經歷20年之後，喺呢首歌入面搵一個『愛』嘅答案，我好希望從哲學角度出發，然後就諗到『好青年荼毒室』。」
「我一直有睇佢哋嘅節目，係佢哋嘅擁躉，透過佢哋嘅節目，對哲學多咗認識。最初請佢哋寫呢首歌Rap嘅部份，佢哋真係寫得好好，後來諗不如由佢哋Rap埋。雖然當初唔知佢哋Rap唔Rap到，我有啲戰戰兢兢，但佢哋話『會去學，會嘗試去做』。佢哋搵真正Rapper朋友，認真去練習，好有誠意，落咗好多功夫，效果我非常滿意。」Sammi說。
豬文、鹽叔和阿泉說最初接到邀請時，還以為是電話騙徒出動，更說見到Sammi本人，仍感到夢幻神奇，豬文笑指網上開會時，眾人不約而同拍下畫面留念。鹽叔說：「好多謝Sammi邀請我哋，初時大家都懷疑係詐騙。試諗吓『鄭秀文搵我哋唱歌、寫詞，仲話一齊Rap』，直到終於同Sammi網上開會，以為感覺會踏實啲，但唔係，同Sammi網上開會喎！對我哋嚟講好震撼。到依家見到真人都仲係戰戰兢兢。」
同樣感覺神奇的阿泉，說初創作時有很多疑問：「好多創作意念走出嚟，寫咩角度？以對話方式？會唔會有第三個立場？諗咗好多嘢。」Sammi只要求兩個字：「認真」：「只要認真去做就得！因為『認真』就係核心，哲學畢竟係你哋嘅專業，用你哋專業知識放入呢首歌度，『認真』嘅能度，歌迷和聽眾都會感覺到。多謝你哋參與，從哲學角度去解構愛情，言之有物，為《愛是...》畫上更完美嘅圖片！」
Comentários