天下一打造的港產科幻片《明日戰記》於周一（22日）舉行慈善首映禮，身為總監製及主演的古天樂，率領演員劉青雲、劉嘉玲及姜皓文上陣，女星吳君如及丈夫陳可辛、陳靜及周秀娜等均盛裝捧場支持，而《明》於本周四（25日）於香港上映。
同屬科幻題材的內地電影《獨行月球》，截至本周一（22日）在內地上映共26天，票房衝破約31億港元，至於在內地上映了19天的《明》則收逾5.8億港元，對於早前發生「偷票房」風波，有內地觀眾稱購買《明》戲票，但戲票寫上《獨》，古天樂接受訪問時未有詳談，只說現在「處理中」：「不過我收到好消息，《明》喺內地映期延長到10月4日。」即是橫跨中秋及「十‧一國慶」兩個黃金檔期。雖然內地票房成績一般，但香港不少同業甚至大批網民表示支持，而古天樂堅持打造港產科幻片的決定：「必需行出呢步，拍科幻片好艱難，需要好多時間同金錢，但一定要做一次。希望觀眾帶住興奮心情離開戲院，再介紹畀其他人睇。」
其實古天樂拍《明》時深受頸患困擾，更要做手術以繼續拍攝工作：「因為戲服盔甲有一定重量，又需要吊威吔，所以頸患情況愈來愈差，令我右手同右腳完全冇知覺，後來需要進行手術，第四五節頸骨用鈦金屬支撐，拍攝時亦都要死頂，靠止痛藥支持。
劉嘉玲姐盛讚古天樂全力投入同付出，並鼓勵對方：「一路堅持自己嘅夢想，我會一直喺你身邊！」她說如果開拍續集或前傳，一定立刻支持：「我而家率先報名，今次要安排打鬥戲份畀我。」
劉青雲說由於從未想過有機會拍科幻片，所以以「奇妙旅程」來形容拍《明》：「直到拍嘅一刻，先知道真係好大製作，籌備好耐，先至有實質感覺。之前對科幻片嘅概念，以為只係着件綠色緊身衫，頭頂好多天線好似『得得B』咁，原來唔係只對住綠佈景演戲，係同平時拍戲冇乜分別。」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #明日戰記 #WarriorsOfFuture #古天樂 #LouisKoo #劉青雲 #SeanLau #劉嘉玲 #CarinaLau #姜皓文 #PhilipKeung #張家輝 #NickCheung #天下一電影 #OneCoolFilm
部份相片：古仔部落格,吳君如ig
Comentários