無綫藝人李佳芯早前辭演新劇，原因是太累致身體出現警號，周二（21日）她出席《好聲好戲》的錄影時，稱現在健康冇大礙：「而家身體狀況冇乜嘢，但我想平衡健康同工作，因為呢樣先係緊要。因為之前試過出事，原來係好傷。」她續說現正修讀情緒治療課程，希望可助人又可幫到自己，又說雖然暫時未有工作，但不怕因此而影響人氣。雖然暫未有劇拍，但她為一個機構籌款，執導及演出一套關於腦退化症的短片。
李佳芯說：「我發覺香港有好多人都有情緒病，10個人有10個半都有情緒病，我哋做呢行情緒起伏得大，如果我能夠繼續讀落去，鑽研得多啲，都希望有日可以幫到身邊嘅人，呢個係我一個目標。我冇計算到人氣呢方面嘅嘢，的而且確係會輸蝕，始終做藝人梗係希望想不斷有作品，但對我嚟講演員係被動。因為每樣工作係人哋話，人哋話你有就有，話你冇就冇。所以我有工作嘅時候，唯有捉緊機會。」
Comments