top of page
  • 韓港報小編

【#香港娛樂】有錢真係大晒?林作出100萬撩陳凱琳細佬驗DNA




前港姐冠軍陳凱琳的弟弟Derek在父親節網上分享和父親的合照,本來父慈子孝,溫馨十足,不過自稱「香港抽水王」的林作認為父子「唔似樣」,公開向Derek挑機:「本人願意用100萬港幣向Derek Chan not Cheung發出挑戰:畀你一條毛畀我,同埋你老竇一條毛。如果DNA比照證實你哋係父子,我畀100萬你。如果唔係,順便比照係咪有印巴血統。順便咋,純八卦,驗到冇嘅我都畀100萬你。」


林作一番言論,即廣受大批網民圍攻,狂罵他零尊重及抽水博出位,當然陳凱琳一家當林作透明,不作半句回應,不想被利用繼續這場鬧劇。然而林作多次補充:「人生苦悶,都係搵話題解吓悶」、「我只係網民,N咁多網民都係咁留言問、開POST問,點解我問又唔得?」、「我見到謬論就不能提出我的質疑嗎﹗困擾了我9年了!而這傷害得到他們家人嗎?事實就是等於傷害」


錢,真係大晒?請問Derek為何要「畀條毛」出來證明?就是滿足林作的一己私「慾」即求知慾?如果有人質疑林作不舉甚至是「小器」如花生,提出同樣條件要求驗證,林作會答應嗎?林作女友裕美昔日被指婚內出軌,跟黃子恒有婚外情,如果有人同樣出100萬叫裕美證明自己清白,可以嗎?林作那句「驗到冇嘅我都畀100萬你!」這100萬代表的是侮辱和可笑,情況等如電影橋段,用錢撻人塊面的情節:「嗱!你驗咗係父子關係嘅話,呢度有100萬就攞去囉!」


使錢,都要有格,用錢去侮辱人家,滿足自己的無聊及所謂八卦慾,倒不如幫助水深火熱的一群。不少孩子家貧困苦,衣食住行都有困難;受病魔困擾的,因經濟能力差未能得到更好的醫治;疫情下失掉飯碗,找不到工作,但要養一家大細的經濟支柱,也大有人在。突然想起麥明詩,單身真好。


相片來源:陳凱琳ig, Derek Chan ig, 林作ig

Comentarios


bottom of page