top of page
  • 韓港報小編

【#香港娛樂】有志自創個人品牌 姚焯菲稱風雨過後:令我更強大!



「國民初戀」姚焯菲(Chantel)在周四(11日)到商台接受鄭裕玲(Do姐)主持的節目《口水多過浪花》訪問,Do姐直問Chantel對於早前的短片風波,Chantel坦言說很不開心,並為此哭了很久,幸好獲親朋的支持,她說:「今次係經一事長一智。(係咪困擾咗好耐?)一時時,冇嘢做就會諗起,但呢件事令我強大咗。」她說經過此事後,會知道誰才是一輩子的好友。


談到炎明熹早前北上發展,Chantel說冇見對方多月後,覺得對方「高大咗」:「佢返到嚟係高大咗好多,個感覺畀係長大咗,佢仲要著好厚嘅鞋,所以好高,同埋佢長大咗,變到好專業。以前大家綵排時,佢會同我傾下偈,依家佢係『Hi!』之後,會入咗工作mode。我覺得佢成熟咗!」


另外,Chantel說有意創立自家品牌闖一番事業,想經營網上商店售賣衣服及香水等:「有自己嘅創作品係好有意思,但我art好差,我會畀心機!我想有自己嘅brand同產品,等大家去買。幾年前有同爸爸講,佢可能當我講吓,但呢排我都有同佢傾,佢覺得可以同品牌crossover,做熟啲先再繼續。」


Chantel說自己計數很差,相反妹妹在數學及美術方面很好,Do姐即反問︰「你art唔叻,你計數又唔叻,淨係唱歌叻,你會唔會俾人呃?到時要Daddy幫你睇住呀?」Chantel即笑說:「唔使,自己可以處理到。」


相片來源:鄭裕玲ig , 姚焯菲ig

Comentarios

No se pudieron cargar los comentarios
Parece que hubo un problema técnico. Intenta volver a conectarte o actualiza la página.
bottom of page