top of page
  • 韓港報小編

【#香港娛樂】保錡當面爆唱《倒轉地球》 陶大宇:唱咗10年冇人知




陶大宇翻唱《倒轉地球》後人氣爆升,由「師奶殺手」變為「大娛樂家」,每次他聲嘶力竭演繹加上「水撥手」的台風,無限發放令人開心興奮的正能量,更吸引大批網民及藝人模仿,組合ERROR成員吳保錡就是其中一個,而他們在ViuTV節目《爆谷一周》碰頭,保錡更在大宇面前一展扮嘢本色,獻唱《倒》曲!


保錡在ig分享和大宇的合照,當中有他們齊齊演繹大宇的經典「掩面」甫士,他留言:「有冇show我唔知,剩係知爆谷一周真心正,有得係大宇哥面前表演一次,多謝谷德昭邀請我,希望大家睇得開心啦,因為真心覺得做乜都唔緊要︳最重要活在當下,日日開開心心」


原來《爆》主持谷德昭和大宇相識多年,在節目中谷德昭說早年常和大宇及歐陽震華等飲酒聚會,最記得大宇喜歡猜枚,他說:「會唔會有一日,陶大宇會出現喺亞運嘅猜枚項目?」對於翻唱《倒》曲為自己帶來另一事業高峰,大宇說從來冇想過:「冇諗過因為唱歌迎來第二個春天,唔好話唱歌,音樂呢方面都冇諗過,因為我係演員出身。」他說其實唱《倒》曲已唱了近十年,只是之前冇人留意。工作多多,最近他接拍WeChat Pay廣告及健康食品廣告外,更參演英皇電影《紮職3》,「錢」途無限!


相片來源:wechatpayhk ig , 吳保錡ig

コメント


bottom of page