出道22年的Twins在紅館舉行的14場個唱前晚終於開鑼，相隔9年再踏足紅館開騷，更是打破她們出道以來舉行最多場數紀錄。蔡卓妍（阿Sa）說希望大家盡情跳唱，笑言全晚很精彩，不會有「厠所位」。如她所言，連場勁歌熱舞，招牌「側手翻」重現，加上當日鍾欣潼（阿嬌）43歲生日，別具意義。
阿Sa說22年前，只出道400多日就開第一個紅館演唱會，認為是奇蹟：「到咗今日，22年後，仍然能夠企喺紅館舞台開演唱會，亦都係一個奇蹟！」阿嬌則說要長時間經營一個組合是不易，隨時會因高山低谷而鬧翻、被淡忘或分開發展，她更說不知何時是最後一次的演唱會。
阿Sa笑說：「我哋兩個年紀越嚟越大，唔再係𡃁妹仔，所以每一次都好珍惜，因為唔知係咪最後一次。望我哋多啲，聽我哋啲歌多啲，就係長生不老嘅秘訣，有冇覺得自己回春呀？」
在個唱尾聲，阿Sa和阿嬌感激對方時落淚，阿嬌說：「由細到大我都唔係自信嘅人，遇到困難會逃避，但你會走出嚟同我解決問題，幫我出頭，陪伴我支持我。有你喺我身邊，你嘅自信開朗係我學習對象，我以前做嘢成日都半途而廢，唯一冇放棄係我哋友誼，係維持得最長嘅！我好榮幸好感恩遇見你，多謝你！」
為製造驚喜替阿嬌慶生，阿Sa帶領全場唱生日歌，並示意觀眾們，舉起座位上的手幅，以製造「GIL HBD」字樣，由於有人把手幅顏色互調等原因，字樣未能完美呈現，阿Sa說：「哎呀﹗我真係比你哋激死，呢壇嘢我搞咗好耐，我嘅概念圖係好靚，𠵱家變咗抽象派﹗」阿嬌笑說：「唔緊要啦，心意我收到晒，多謝大家。」
Comments