自去年11月姜濤因在籃球賽受傷，男團MIRROR十二子一直未能全體出席活動，直至昨日（24日）終於全員亮相，出席富衛保險活動。上月在叱咤頒獎禮中姜濤被指脹爆現身，表演方式更惹抨擊，自此一直神隱，不少姜糖十分擔心，所以昨天他現身當然成焦點。明顯比之前消瘦的姜濤，初時表現較拘謹，但之後回復常態，跟陳卓賢（Ian）及柳應廷（Jer）有說有笑。
姜濤受訪時對於在叱咤頒獎禮被批評，他直認受困擾：「講冇唔開心就一定係假，我覺得大家都講得幾啱。減肥過程還好，但我會畀心機醫好隻腳先，隻腳唔好，好多事都做唔到。」至於Jer與呂爵安（Edan）被提名角逐金像獎「最佳新演員」，姜濤表現大方的說，不會因未能入圍而失望：「咁又冇失望！演員要走好長嘅路，有機會拍戲已經好好，自問演戲經驗唔多。Jer獲提名我好開心，佢做得好過我，我個角色一部分係做自己，他係全新角色。」
否認搬屋避世的姜濤，以1,800萬買西環單位榮升業主，他笑說：「呢個就係放鬆方法，希望廣告商多啲搵我。」對於有指姜濤新居附近的樓價也提升，他笑說：「所以諗住而家買完，即刻賣返出去。」Edan聞言即反問：「你可唔可以買我哋住嗰啲區？咁我哋放出去。」江生（AK）即大讚Edan：「叻！我哋有發達大計。」
另外，近日商台DJ梁文禮被批是「雙面人」，更被揭出在私人社交帳戶上載有關姜濤及盧瀚霆翻唱張國榮作品的報道時，留言是「集體強姦張國榮作品」。盧瀚霆（Anson Lo）說沒看過梁文禮的發文：「即使真係好harsh都好，harsh都係好make sense，每個聽眾都有自己taste and preference，覺得好聽同難聽係冇對與錯，我估大家都係着重唱功同埋音色方面，呢樣係我哋每出一首歌都想有進步嘅地方。」
然而活動後原來Anson Lo突然頭暈，要由花姐及保安護送離場，他兩度發文交代情況：「醫生說我嚴重脫水/缺水，再加上昨晚已經有一些感冒，所以身體支撐不住暈倒。其實兩個傳媒圍訪時都叫自己盡力撐住，但拍最後一個social media interview時真的hold不住了，真的好抱歉。這一刻的我好多了，大家不要太擔心，我今晚會再好好休息的，真的明白到，健康才是最重要。」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #mirrorhk #姜濤 #ansonlo盧瀚霆 #edanlui #AltonWong #ianchan #LokmanYeung #Jeremy李駿傑 #江爗生 #FrankieChan #jerlau柳應廷 #tigeryau #Stanley邱士縉
Comments