MIRROR四子Anson Lo、Edan、Lokman和Stanley昨晚（12日）出席《第16屆亞洲電影大獎》，擔任「最佳原創音樂」的頒獎嘉賓。Edan為搞氣氛先笑說忘記所頒發的獎項名目，Stanley說：「我哋係歌手又係演員，你哋又唱過電影主題曲，唔通係頒最佳原創電影歌曲？」此時Edan忽然出招明寸Stanley︰「你好似除咗冇唱電影主題曲之外，仲連電影都未拍過喎！」Stanley隨即向台下的電影人自我介紹！之後四子頒發「最佳原創音樂」給電影《Drive My Car》的石橋英子。
四子在紅地氈受訪時，表示首次出席亞洲電影大獎，感到既開心又緊張，見到現場的熱情鏡粉，Anson Lo及Stanley均叮囑鏡粉們多喝水及吃喉糖，Edan更說：「雖然我哋今日好緊張，但有你哋喺度安心番啲。」Stanley則說夢想是想是能和張藝謀導演合作，Lokman聞言即說：「希望一陣可以同佢傾兩句偈啦！（用港普？）睇下佢明唔明啦，或者佢用廣東話呢！」
Edan則說：「我私心想同許光漢合作，因為有人話我同佢幾似樣。講笑！因為花姐好鍾意許光漢，我想花姐妒忌下，同埋我好鍾意睇《想見你》。」Lokman說擔心花姐見到許光漢時會怕醜，Stanley說：「佢啱啱收錯風，以為許光漢唔嚟，佢唔開心咗半秒，原來真係嚟咗，佢而家好開心。」稍後Edan和Anson Lo會到日本拍戲，但電影詳情保密，Anson Lo只說有發揮機會及感到刺激。
相片來源：Asia Film Awards Academy
Comments