歌手MC張天賦於大年初一在限時動態上載PayMe code，並以愛犬「豬柳蛋」的名義向大家拜年：「豬柳蛋祝大家，攤喺屋企唔使做，自動準時有人餵嘢食」，並分享「豬柳蛋」的相片呼籲：「禁止多過10蚊，多謝合作！」
因曾有人公開PayMe code收錢即被罵為「PayMe乞衣」，故MC出po後引發網民熱議，有網民指其做法「核突」，更有網民負評：「新年流流行乞」，又指他的IG followers超過55萬：「Story一定有至少20萬人睇，一人畀$10 都有200萬」，認為他是一線歌手，不應叫粉絲課金。
峰迴路轉，翌日MC再更新IG限時動態，上載以PayMe方式向「SAA 動物大遷徙」計劃捐贈2萬元的截圖，他留言：「豬柳蛋瞓醒個晏覺就有錢做善事，代佢多謝大家。」明顯MC當初出po的目的是為慈善，為毛孩謀福利，真相大白，再次引起網民熱討，不少網民直指當初以難聽字眼如「乞衣」等來負評的網民全部「炒車」：「話佢乞兒嗰啲去哂邊」、「 唔會貪嗰少少錢做臭自己個名」，認為給負評的網民未有完全了解，就一面倒惡評，不負責任及欠公平。
Comentarios