E先生連環不幸事件，連環錯愛，誰夠我不幸，街知巷聞，MIRROR成員呂爵安（Edan），繼續以「E先生」說故事，和填詞人黃偉文再合作，把近年流行的ChatGPT成為新歌概念，打造《ChatMrE》：「任由大腦安息 請個槍手 你喜愛藉助計算法 為你分憂 我打真功夫建出口」、「他靠演算交A貨 能否以真愛衝擊我 」AI及人類誰是真正高手，歌詞中應略有所悟。
Edan說：「靈感嚟自ChatGPT，而AI呢個Concept係黃偉文諗出嚟，當初佢同我講時，我都覺得好正好鍾意，可能因為睇好多動漫係有關未來世界，覺得未來世界可以發展得好犀利，今次份詞就係寫AI學習能力好快，又太聰明，做某啲工作，會快過人好多，有啲工種可能會被取代，係一個好有趣嘅課題。」
新歌的Band Sound風格是Edan的全新嘗試，他說一聽就愛上，認為是一首令人愈聽愈情緒高漲的歌曲，但同時又有不安全感，擔心外界未必完全受落。他說：「想自己歌單有多啲唔同類型嘅歌，有機會開Show可以唱一啲令大家好High嘅歌，所以鼓起勇氣揀呢隻歌。之前仲問花姐得唔得，係有唔安全嘅感覺，有擔心過，甚至拍MV都懷疑自己做唔做到啲彈結他或者Band友嘅台風感覺。」
「首歌都幾難唱，花咗唔少時間錄音，特別去搵個Tone。試過好嗌咁去唱，又發覺太嗌唔好聽，結果第一日錄完，發覺唔得，第二日就砍掉重練，過程中試過好幾次推翻自己嘅演繹再試新嘢，唔同日子嘅唱法都好唔同，所以係幾大挑戰。」Edan說。
在MV中Edan的造型充滿科幻感，Edan說：「今次好滿足到我嘅諗法，就連傷妝都試埋，係搞最多花臣嘅一次，拍得幾過癮，同埋我有啲傷疤都幾有型。」雖然畏高的Edan，在MV中要吊威吔，但他說完全不害怕：「唔驚！因為都唔係第一次，同埋都feel到個力會承托到，反而踩旅遊巴頂牙煙少少。」
Comments