早前《ACE演藝模特大賽》頒發「Uplive人氣之星大獎」，經過網民親自投票，以及以收取禮物U幣金額來計算，最終由莫麗淇Niki Mok 、Emmy Wong及「最美丫鬟」陳婉婷Hebe Chan分別奪得金、銀、銅三個大獎！
Hebe說今次得獎十分有意義，適逢當天是她的生日：「好多謝大家對我嘅支持，佢哋知道幫我有唔同嘅機會，都會令我達成夢想邁進一大步，好衷心感激佢哋呢份生日禮物。勝出後，我會繼續全力以赴，以最佳嘅狀態去迎接所有工作，嚟報答粉絲，因為佢哋咁盡力，都係想捧我上去做到我喜歡嘅事業，所以我唔會辜負佢哋。 平時都對佢哋好好，一有時間都會搞聚會，亦都會親自下廚、煲湯，唔使刻意喺勝出比賽嘅時候做，一切在心中。」
由演員轉型做直播主，Hebe坦言是想尋求自我突破：「因為我本身係一個比較內斂嘅人，做直播之前我連訪問都唔識做。做直播，係同拍劇拍節目好唔同，大部分時間都要同觀眾有互動，要有即時反應，所以好需要吸收好多資訊。做咗直播之後，我每朝起身會睇晒所有新聞、睇好多書同片，去學習唔同人嘅思考方向、知識，準備好去迎接佢哋每一個話題，對於當時嘅我係一種新嘗試。」
Hebe說不單重視和觀眾的互動，更要以真誠及同理心對待：「我做直播嘅風格係真誠，重視同觀眾嘅互動，同埋對每一個人要有同理心，俾大家了解最真實嘅我。我諗佢哋最欣賞我嘅地方，係對演戲嘅堅持，對夢想唔放棄嘅態度。平時我會睇佢哋嘅留言，用心回答佢哋嘅問題，亦都會盡量記住佢哋個真名、生日、職業、返工放工嘅時間、喜好等等，令佢入到我嘅直播間，有一份親切感。」
當Uplive直播主的得着，Hebe說多了一班支持她的朋友，並深切了解她的想法：「可能以前人哋唔了解我，會覺得我只係想有名，或者只係做花瓶。不過透過Uplive，同觀眾有互動，甚至我哋會傾一啲好deep嘅內心想法，佢哋又會見到我捱更抵夜工作或者為夢想去學好多嘢，所以真正了解咗我、喜歡我、支持我。我喺Uplive嘅目標，係除咗傾偈同埋唱歌，可以真係表演到一啲藝術嘅嘢俾大家睇，所以我都有keep住學樂器同功夫，希望畀到更多元化嘅直播佢哋睇。」
Uplive是香港第一大直播品牌，自2016年登陸香港後，用戶人數節節上升，目前香港註冊用戶已突破百萬人，主播更已衝破萬人，每日為香港在內的全球3億用戶提供嶄新娛樂直播體驗。同時在美國、印度、越南、沙地阿拉伯、東南亞等國家與地區營運，並服務全球150多個國家地區用戶。2019年Uplive榮獲Twitter授予的「最具國際影響力品牌獎」。
Comentários