舞者李啟言（阿Mo）在今年7月28日於MIRROR演唱會中遭墮下的巨屏擊中，事發接近5個月，康復路雖然漫長，但幸好逐漸有進步，已脫離呼吸機、四肢局部有輕微感覺，每個少許的改變，已給阿Mo及其親朋莫大的鼓勵及欣慰。日前林以諾牧師的元宇宙音樂佈道會《愛‧無限》中，播放阿Mo的父親李盛林牧師剖白心路歷程的短片，說起兒子時多次哽咽，眼淚是憂傷，也是感謝信仰帶來的支持，他說：「盼望呢個分享，成為你嘅激勵。」
李盛林說初時得知意外後，感到愕然及震驚：「冇諗過可以喺表演台上可以有咁嚴重嘅事情出現，作為父母好難去面對，因為睇返一秒前同一秒後，我哋嘅仔好唔同。背後有好多傷痛同眼淚，有好幾次，我企喺病床邊，諗起一個好活潑嘅仔，但竟然一個轉身嘅姿勢需要人幫助，當醫生講啲數據，我同太太聽到好沮喪，唔通我哋個仔真係咁？」
【於洗手間嚎哭】
面對兒子每一個康復路上的改變，李盛林說感謝醫護人員悉心照顧，也感謝神蹟：「有咩可能咁大嘅創傷、喺死門關，能夠咁快可以離開ICU、可以脫離呼吸機？我眼見唔少比我個仔輕傷嘅仲喺ICU。當然每一個進程對我同太太都係大嘅挑戰，轉機帶來另一個危機，隨時可能有機會導致生命冇咗，一線之差。」
「記得有好幾次，我喺洗手間係嚎哭，呢個嚎哭係因為見到個仔嘅情況，好心痛。有次我同太太去一個關於傷殘同老人嘅科技展，睇吓有咩新科技可以幫到佢，我哋即場拍低，佢睇到後喊，佢喊係諗唔到父母、哥哥、阿嫂姐姐同女朋友為佢做好多嘢，所以我哋見到佢咁，都不期然喊咗出嚟。記得頭幾個星期，我好感動，因為阿仔同我哋分享面對嘅困難創傷時，係神幫到佢。」李盛林說。
【有血有肉的信仰經歷】
李盛林說作為牧師逾四十年、信奉基督教逾五十年，在這段期間曾反思信仰對他有何幫助，或者如果沒有信仰，又會如何度過？他認為今次是「好徹底地、重新一次將信仰拎出嚟」，已不再是習慣、崗位、或作為牧師的角色：「究竟呢個信仰對我係點？所以我睇到呢個信仰係有血有肉，好真實嘅經歷。」
「人始終有生老病死、有不如意，如果不如意，點面對？如果冇信仰，會活喺責備、埋怨、搵發洩對象、去諗點解呢件事造成咁？當然作為爸爸，好想知道結果同真相，但背後畀我同太太嘅支持同盼望，仍然係聖經，信仰嘅經歷。我成日同學生講，現今呢個世代冇信仰嘅經歷，好多人當信仰係有難時做救生圈，但信仰嘅經歷好清楚表達出，當面對人生不如意嘅事，我作為一個有血有肉嘅人可以點面對。聖經嘅說話令我再一次體會我所相信嘅神，佢喺任何一個處境畀我一個同在、支持，特別事發一兩日，浮現喺我腦海係詩篇23篇：『耶和華是我的牧者，我必不致缺乏。』」
#韓國 #香港 #韓港報 #khongkongdaily #韓國新聞 #香港新聞 #韓國娛樂 #香港娛樂 #mirrorweare #李啟言 #李啟言阿Mo #阿Mo #molalafansclub #Molala #momentwemade #李盛林牧師 #李盛林 #MakerVille
Comments