top of page
  • 韓港報小編

【香港娛樂】開騷!姜濤落淚自責虧欠姜糖 冧唱《我只在乎你》獻姜媽


MIRROR人氣王姜濤出道以來首個個人演唱會《姜濤Keung To:"Waves" in My Sight Solo Concert 2023》,於昨晚在亞博揭開序幕,以「Keung in Black」型格造型登場的他,連場《濤》、《作品的說話》等曲,即令全場氣氛高漲。特別的是,演繹《濤》時,舞者揮舞布條營造水之形態,而悉心編排舞蹈的,是具份量級的著名舞蹈家梅卓燕。姜濤說以「Waves」作為個唱主題,是因個人及團隊經歷幾許浪濤,希望自己如水般有不同的形態,廣納任何批評意見。



期間現場播放短片,見姜濤化身姜糖體驗應援的滋味,並因感到辛苦而自嘲:「姜濤真係好乞人憎!」之後他盡訴心中情,不禁落淚,自言一直虧欠姜糖,說自己因冇自信,所以不懂如何面對姜糖,並說:「由呢一刻開始將你哋變成我生命中一班屋企人。」而他唱歌《Dummy》時也不禁落淚,並說時刻要保持謙卑:「要記得曾經係一個Dummy。」



向來孝順的姜濤掀起另一亮點,是他演繹鄧麗君名曲《我只在乎你》,原來是特意獻給母親,並稱自小已聽鄧麗君的歌曲:「我揀唱鄧麗君嘅歌,係想年青一輩知道樂壇應該係點,特別唱畀媽咪聽。」



另一亮點,是林海峰擔任嘉賓,稱要重演頒發「我最喜愛的男歌手」給姜濤一幕,並笑稱此獎其實是屬於姜糖:「過去三年,呢個獎唔只屬於你,我想頒畀姜糖,佢哋嘅作品隨時多過你嘅上榜歌曲,想問你哋買咗幾多支牙膏、食咗幾多炸雞?隊咗幾多支啤酒?買咗幾份保險?呢啲就係用作品說話。你哋真係好勤力,樂壇需要你。」他更笑指頒獎給姜濤後,自己的人氣也提升,有大批留言稱「感謝林公子咁愛錫姜濤」:「我自己得獎都未有咁多留言,只係有『樂壇已死』、『林狗都紅 天理不容』,所以姜濤你要繼續努力,成為我最喜愛的男歌手,我就有機會冧莊做頒獎嘉賓!」




コメント


bottom of page