top of page
  • 韓港報小編

【香港娛樂】重踏舞台焫着全場 MIRROR感觸泣唱《We All Are》


「我哋返嚟嘞!好耐冇見!」相隔4個月重踏舞台,MIRROR唱畢《BOSS》後說的第一句話,這句問候,背後包含悲傷、激動、興奮,百感交集。在昨晚(27日)於亞洲國際博覽館舉行的《KKBOX香港風雲榜》上,MIRROR以壓軸姿態上陣,是今年7月演唱會意外後首次公開演出,雖然只得11子,姜濤因養傷未能出席,但演出激動人心。唱《BOSS》後,緊接一曲《We All Are》,Anson Lo甫聽音樂響起已情緒起伏得不能自已,到他唱時更泣不成聲,其他成員也不禁淚灑當場,場面感動。


完騷後MIRROR接受訪問,Lokman承認演出時十分感觸說:「因為齊人再重返一個大舞台係件大事,見返咁多fans同觀眾,又去返熟悉嘅環境同舞台。同埋唱首新歌《We All Are》,係一首情緒好濃郁嘅歌,唱嘅時候少不免有幾分感觸。」


【Anson Lo致歉未能完成表演】

Anson Lo說前一晚綵排時已非常感觸,亦為今次未能完整地演出致歉:「我同自己講,盡量忍得住完成成首歌嘅表演,雖然呢首係同粉絲同埋觀眾好緊密嘅歌,但我覺得呢個係一個表演,好想順利、完整地完成,但好抱歉今日未能夠做到呢樣嘢,好對唔住。呢首歌結合咗MIRROR十二個人呢幾個月嘅感受,亦都辛苦晒呢幾個月任何涉及嘅單位,同我哋一切捱過嘅所有人,所以當刻諗起呢件事就感觸。」


【Jer:需要大家嘅陪伴】

此時Jer即笑着補充,大讚Anson Lo:「佢好叻仔!佢喺台上畀咗個眼色我:『阿Jer幫手呀!』我即刻幫佢手唱!感動一定會有,始終呢首歌嘅內容,相信在座11位都好感動,希望大家都可以走得過,除咗我哋11個、又或者在場觀眾或dancers,係一個挑戰,需要時間同埋大家嘅陪伴。」


對於MIRROR演唱會舞蹈員早前發出的公開信,AK坦言暫未方便作出回應:「因為而家進入咗司法程序,要等再多啲報告,先有完整嘅答案畀大家。(好多人戥你哋肉緊,成日都要出嚟回應呢類問題。)我哋都好肉緊最終個答案會係點,我哋都係等緊,因為牽涉嘅嘢太多,法律同司法程序,有啲嘢控制唔到,唔係唔想講,因為仲查緊,所以唔講得住,希望有完整報告,再同大家交代。」


【Ian首度回應分手 為盧慧敏護航】

另外,Ian首次回應和模特兒盧慧敏(Amy)分手,他說:「依家大家係以朋友身份去互相扶持,兩個人嘅相處係好高深嘅學問,同埋係兩個人嘅事,亦都係我私人嘅事,我唔係好想講太多畀公眾聽,唯一想講嘅,係Amy係一位好好好好嘅女仔,希望大家畀多啲空間佢,唔好畀咁大壓力畀佢。」



Comentarios


bottom of page