top of page
  • 韓港報小編

【香港娛樂】軒公開talk!張敬軒首任講師 唱《櫻花樹下》惹哄動







「軒公」張敬軒獲聖保羅書院中文科邀請,聯同香港大學香港研究課程教授及總監朱耀偉教授,為中西區十二間中學的聯校講座《似水流年——漫談香港流行曲七十年》擔任講師,讓年青一代了解廣東歌歷史、演變、以及所面對的問題及發展等。首次擔任講師的軒仔做足功課:「雖然自己身處呢個行業二十年,對呢個行業都有一定程度嘅了解,但係講座形式分享同落手落腳做係兩回事,所以今次為咗呢個講座,自己都再去深入研讀咗一啲資料,過程當中又再令到自己有深一層嘅認識,所以今次除咗同大家分享,自己都有好多得着。」


笑言自己是「中西區居民代表」的軒仔,說見到同學在場特別有親切感,因每次回家都會經過聖保羅書院,覺得校舍很漂亮,踏入校門的感覺很神奇:「我成日喺度諗,會唔會有機會可以真真正正作為喺呢個行業超過二十年嘅人,喺我呢個階段令到年青人多啲機會去認識我哋香港嘅流行音樂呢?所以好多謝各位嘅邀請,多謝邀請我嘅老師,我都好開心喺度同大家分享、多謝professor俾我呢個機會。」


軒仔表示相信每一個十年當中,社會形態及市民的生活,其實都會通過歌詞去記錄當下。作為千禧年代的歌手,他在2002到香港發展時,那個時代算是「台灣幫」的年代,他說:「周杰倫、王力宏、張惠妹等等,粵語歌相對比起九十年代係式微,包括我自己『登陸』香港嘅第一隻碟都係國語唱片。過去呢十年,我見到喺新一代歌手入面不斷將廣東話以各種形態,包括揉合一啲好美式嘅R&B、hip hop嘅style,係一啲好好嘅嘗試。」至講座尾聲,軒仔唱出《櫻花樹下》,令學生們頓時起哄並大叫encore,稱想聽《遇見神》一曲,最後軒仔為了不讓學生們失望,在沒有預備的情況下,唱出《遇見神》!





Kommentare


bottom of page