top of page
  • 韓港報小編

【香港娛樂】炎明熹淚灑個唱 打後空翻有蝦碌 任賢齊驚喜現身大讚:Gigi係未來嘅天后!













炎明熹(Gigi)一連三場的《炎明熹Gi-FORCE演唱會2024》,昨晚(14日)在九展舉行尾場,陳煒與丈夫陳國強、姜皓文、陳山聰與囝囝陳霆軒、李幸倪等到場支持。來到第三場依然狀態大勇的,Gigi,又唱又跳表現落力,不過做後空翻動作時,可能用力太猛,被衛衣的帽「兜頭笠」,完全遮擋視線,雖見她即表現既可愛又尷尬的笑容,但她秒速整理衣服後繼續跳唱!


昨晚Gigi也演繹了多首自選的歌曲,包括王菲的《守望麥田》、Serrini的《網絡安全隱患》、及陶喆的《流沙》等,她笑指這張歌單由逾200首歌精心挑選,她又說:「大家知唔知呢場係補場呢?想問吓嗰時(取消)大家有冇失望?」至於擔任Gigi音樂團隊成員的林智樂(Felix),來到尾場按捺不住,要在台上公開力讚Gigi唱功了得,抗壓能力亦很強:「雖然有好多人讚佢,但有時都有啲好尖銳嘅留言,但佢都冇嘢,更重要係由我啱啱識佢到而家,佢個初心都冇變,對每個人都好好。有時記者朋友問我會唔會羨慕Gigi嘅事業,我覺得唔係羨唔羨慕,而係佢真係好值得擁有!」


另外,當Gigi獻唱《星語心願》,唱到一句「讓你知道我愛你」時,台下觀眾即熱情回應:「我都好愛你呀」。Gigi表示小時候看電影《星願》,已經很喜歡電影的男主角,並隨後唱出《對面的女孩看過來》,此時任賢齊突然現身合唱,讓樂迷大為驚喜,為演唱會掀起高潮。


Gigi說:「畀啲掌聲任前輩。」小齊謙虛感謝Gigi畀機會自己做嘉賓:「 因為我成間公司所有同事都好鍾意Gigi。噚日我喺新加坡做完演唱會返嚟,我啲夥計全部唔見晒,個個都嚟睇你,仲要一張飛都冇留畀我!同事們,聽住,聽日返工唔使咁早,好好享受今晚Gigi嘅演唱會。」他又笑謂Gigi與自己的女兒同一年出世:「人多嘅時候叫我小齊哥,唔好叫Uncle呀。」


 Gigi送上繡有小齊名字的水樽:「我知你5月份開巡迴演唱會,所以我揀咗呢個,識自己煲水嘅水樽,呢個可以直接煲水,非常方便,我都繡咗你個名喺度。」小齊自嘲年輕的時候仍會飲凍飲:「漸漸就用咗暖水壺啦,好多謝你。我真係成間公司都講,佢係未來嘅天后,希望大家都畀多啲機會Gigi。」


 另外,開騷前大批歌迷要求Gigi唱出在YouTube短短4天破百萬點擊的新歌《還有一艘救生艙》,Gigi有求必應,演唱時更感觸落淚:「我覺得我又代入咗首歌裡面,但唔係愛情,今日係最後一場演唱會,即係今日係最後嘅一次,然後大家要遠離我嘅感覺。點解今晚先揀呢首歌嚟唱?因為我想送呢首歌畀補場嘅大家,但係我真係冇用,成首都唱唔到,要大家幫我,我下次會唱好佢㗎。」




Yorumlar


bottom of page