top of page
  • 韓港報小編

【香港娛樂】梁朝偉第6次奪金像影帝 余香凝首封影后寄語子女要追夢








第42屆香港電影金像獎頒獎典禮昨晚(14日)圓滿結束,12次入圍金像獎最佳男主角的梁朝偉,憑《金手指》第六次封帝,擊敗兩大熱門林保怡及黃子華。余香凝憑《白日之下》奪得最佳女主角,首嚐影后金像影后滋味;《白》片更為76歲資深演員姜大衛及梁雍婷分別帶來最佳男女配角。


電影《金手指》橫掃6個獎項,包括最佳服裝造型設計、最佳視覺效果等,而電影《毒舌大狀》奪得最佳電影,台灣電影《周處除三害》奪得最佳華語電影。《命案》亦奪得三個獎項,包括最佳導演、最佳編劇和最佳剪接。


原本擔任最佳男主角頒獎嘉賓的是劉青雲及袁詠儀,但因劉青雲抱恙未能出席,由古天樂取代,惟因報幕員仍說是劉青雲,故古天樂將錯就錯,笑言自己是劉青雲。身在德國拍戲的梁朝偉,透過視像現身頒獎禮,當得知奪得影帝,即雙手掩面,十分驚喜,並由太太劉嘉玲上台代取獎項。


劉嘉玲代領獎後,即說:「梁朝偉你講啲嘢啦!」梁朝偉說:「唔識講,好開心!因為好耐冇喺香港電影金像獎攞過獎!差唔多隔咗有十幾年。係咪依家開始講得獎感受㗎喇!我多謝香港電影金像獎,同埋所有提名我嘅朋友,多謝英皇娛樂楊老闆、多謝導演莊文強呢個機會我,仲有梗係要多謝你啦!」


劉嘉玲即場笑問:「你係多謝我,定係袁詠儀定係劉青雲(意指古天樂)呀!」梁朝偉秒回:「你吖嘛嘉玲姐,鼓勵同埋支持,你畀我講埋先!亦都要多謝我啲屋企人!特別要多謝林麗真女士(430穿梭機監製),即係我兒童節目嘅監製,佢一直以嚟都對我好多鼓勵同埋支持。我覺得最緊要係喺我過往呢41年演藝生涯裡面,一直喺度支持我嘅觀眾朋友,多謝大家。」


劉嘉玲在梁朝偉講感言期間,曾插嘴問:「阿梁朝偉,我可唔可以講兩句?」梁朝偉則笑說:「得啦嘉玲姐。」劉嘉玲說:「我知道梁朝偉攞獎,好多人會話:『又係佢?畀啲機會人啦!』我咁多年喺佢身邊,佢真係好偉大嘅演員,普通一個演員會付出100分嘅努力,但佢付出咗500、1000分嘅努力,香港有好偉大嘅演員。」梁朝偉即說自己只是一個好演員,稱不上是偉大演員,更表示:「唔好咁講,唔好咁講,OK啦。」


另外,一直被視為大熱門的余香凝,說多謝家人及媽媽的支持:「永遠喺我失意嘅時候畀我支持,仲要多謝我老公,每次都同我背劇本。」她更一對寶貝說:「媽咪不停地追夢,希望你哋將來都會有自己嘅夢想。 」


部份圖片:香港電影金像獎 ig


Commentaires


bottom of page