MIRROR成員姜濤昨日（22日）於跑馬地馬場出席第十四屆《麥當勞兒童愛心馬拉松2023》，身為香港麥當勞叔叔之家慈善大使的姜濤，和多位商台主持包括小儀、森美等為現場的跑手打氣，又跟現場的小朋友親切互動。
喜歡和小朋友相處的姜濤，說初時曾擔心場面難控制：「以前做助教時見好多小學陸運會，都知道小朋友幾難控制，但見到家長好照顧每一位小朋友，所以比預期中好好多。」笑言不是「父愛」泛濫，反而是「哥哥愛」，被問到幾歲做爸爸，他笑說：「都要完約之後先諗（想生幾個？）兩個，一男一女。」
剛從台灣完成身第11胎《Dummy》MV的姜濤，指雖然只拍攝一天，但因去到當地才練舞，時間比較緊迫，所以有點疲累外，更趁機跟《超感應學員》的拍檔蔡凡熙等見面：「佢哋都好熱情歡迎我，我哋私下關係都好好，可以維持異地友誼係好難得。」對於「教主」Anson Lo拍戲受傷，姜濤說如果對方有需要，可介紹物理治療師：「因為我隻腳都需要做，睇下幫唔幫到佢。」
有指早前和教主出席音樂節，歌迷在教主唱歌時拉隊走，姜濤說知道此事，說由出道至今時有類似事件發生，他認為音樂應無分國界，希望大家可以支持任何一位歌手，問到有否就粉絲的問題與教主傾過？他說雙方的感情從沒被影響：「我哋嘅感情冇受影響，呢個係我開心嘅原因。MIRROR 12子唔會被任何事影響感情，我們係好朋友、好兄弟！」姜濤的服裝品牌「TO ZERO」昨日正式曝光，他說希望大家可以了解品牌的理念，之前有找教主交流，感謝對方給予意見外，古巨基夫婦亦有為品牌做顧問。
至於音樂人周啟生慨嘆新一代歌手未「足月」，又指姜濤要搵老師學唱歌，姜濤十分謙虛的說：「好多謝周啟生前輩嘅批評同指導，我不嬲都好歡迎每一位香港觀眾去教我哋，作為藝人，你哋嘅意見最重要。任何前輩、觀眾畀意見，令我睇到自己需要進步嘅地方，我都會吸收、消化後再改正。」
Comments