歌手張敬軒以代言人身份出席英皇珠寶「CORE＆ENCORE」系列新品發布會，他為司儀李靄璣戴頸鏈時搞笑地說：「掂到你條頸，今晚會收你老公林奕匡電話！」系列取名「CORE & ENCORE」，張敬軒說是跟其經歷、美學理念以及待人處事的態度有關，他說：「佩戴珠寶，象徵住自己嘅個性、生活態度之餘，又承載人與人之間嘅關係密碼，我好喜歡珠寶主題『不忘初心，環環相扣』嘅概念，時刻都提醒住我一啲重要經歷。」
早前在IG搞問答遊戲讓粉絲猜其指圍，張敬軒笑說有粉絲若有所指的回答是20cm：「本來好正路，但係佢哋講講下就有啲騷擾，佢哋對size好敏感！雖然有少少網絡欺凌，但都欺凌得幾開心。」他續說以前與朱咪咪及關菊英走埠登台時，朱咪咪教他上台表演時，一定要夠閃，一閃遮三醜，所以現在每逢演出，都會帶備鑽飾。
另外，說會開辦演藝學校的張敬軒，日前擔任大學歌唱比賽評判時，更順道揀蟀發掘新人，他說入行條件，是要捱得苦，更要由幕後做起。他說：「好睇好新一輩年輕人，佢哋好叻，可能關奶粉事，隨便都有身高1米8。一定要由幕後做起，要知道所有嘢係得來不易，我都會親自同佢哋上堂，訓練腦筋同應變。」
他強調作為公眾人物必須注重文化修養，目前受訓的19歲學員，雖然已完成中學課程，選擇不再升學，但也要上文化課和語言課程，至少要學習日、韓、英語和普通話共4種語言。
Comments