【香港娛樂】張家輝謝票被叫「化骨龍」：我係天幕！《明日戰記》成為香港電影史上最高票房亞洲電影
- 韓港報小編
- Oct 10, 2022
- 1 min read
張家輝接到古天樂來電。
古天樂主演及監製的電影《明日戰記》票房衝破6801萬，成為榮登香港電影史上亞洲電影票房冠軍 ，周日（9日）張家輝、胡子彤、吳肇軒及羅浩銘到尖沙咀的戲院謝票。首度謝票的張家輝，問觀眾他是誰時，全場不約而同大叫：「化骨龍！」23年前電影《化骨龍與千年蟲》的角色「化骨龍」，已是港人集體回憶！
向來風趣的張家輝即出招，搬出《明》片中的經典對白「我就係天幕，天幕就係我！」：「我係天幕呀！其實套戲係冇張家輝，大家最好以後唔再提『化骨龍』啦！」張家輝接受訪問時被問到要在「化骨龍」及「天幕」二選一時，他笑說：「『化骨龍』係好乞人憎，我係鍾意『化骨龍』多啲，同佢唔係好熟，成日都掛住佢，但又唔係好想見到佢！」期間他接了古天樂視像來電，更以「你係天樂，我係天幕」來搞爛gag打招呼，又問對方何時開戲找他演。
相片來源：滾動工作室
Comments