歌神張學友由今年6月開始展開《張學友60+巡迴演唱會》，先後在內地、澳門及馬來西亞等開唱，並將在12月13日至26日於紅館舉行10場，是相隔5年回歸紅館。在發布會上學友說雖然之前已做了幾十場巡唱，但笑言來到香港這一站，可能因為自我要高而感到緊張。對於之前在馬來西亞巡唱上，因耳水不平衡影響而在台上頭暈跌低，學友承認仍有點心理影響：「依家轉圈都驚驚哋，不過應該克服到。做咗過百場演唱會，唯一一次喺舞台上耳水不平衡，從未試過台上發作，係一個挑戰，大步檻過。」
學友之後接受訪問，表示回到具歸屬感的紅館，給予自己不少壓力，因「不想衰」，笑言自己年紀越大越麻煩，又說現時做得一次得一次，想忠於自己。問到會否加場至跨年，學友表示要睇觀眾反應：「我都唔係好信『實有』、『實得』嗰啲嘢，做咗咁耐人啦係咪先？得又見過，唔得又試過，自己都係比較偏向謹慎啲好啲。」至於如何避免耳水不平衡，他笑言根據發病率，年輕時每年發病一次，年紀大時就幾年才發病一次，所以之前發病算稀有，希望未來一兩年不會再發生。
學友提到之前在馬來西亞演唱會，是綵排後開始頭暈，更因首次在台上頭暈感到害怕，幸而習慣閉眼唱歌才不感到太暈。他更說先後兩度叫停個唱，先在開騷前7時叫停，但主辦方想博一博繼續，唱到第二首歌時他回頭示意再叫停，但工作人員沒反應。他續說會做足措施以盡力保護自己，至今未中過新冠肺炎，更認為始終母親已經八十多歲，故自己更要格外小心，免影響家人。
Comentarios