top of page
  • 韓港報小編

【香港娛樂】大馬巡唱突然台上跌倒 張學友:今日非常唔好彩!






歌神張學友昨晚(13日)在馬來西亞舉行《60+張學友巡迴演唱會》,惟唱《祇想一生跟你走》時,突然腳步不穩,直接跌坐在台上,未幾即起身繼續唱,其身體狀況令人擔憂!不少在現場睇騷的網民拍得張學友跌倒的一刻,又拍下張學友向觀眾致歉的片段。



張學友說來到巡唱第20場,但遲了開場,故感到十分抱歉:「我係第一次遲過8點鐘開場!同大家解釋個原因先,大家唔使太擔心,我自細有一種病,就係耳水不平衡,每年都會發作一次,但就從來未試過喺演唱會之前發作,今日非常之唔好彩,喺演唱會之前半個鐘開始頭暈,所以大家見我跳嘅舞係非常之特別。」接着他示範搖來搖去的舞姿。



現場觀眾掌聲雷動以示加油,張學友續說:「其實我係有啲頭暈,大家唔使擔心,我都衡量過,究竟應該做(開騷)定唔應該做呢?但大家都坐晒喺到,就算唔做都聽日先唔做啦!冇理由唔通知大家、大家坐晒喺到先話唔做,冇理由係咁,所以我決定做!如果大家唔介意我今日跳舞難睇......不過我要跳嘅已跳完,難睇嘅已經睇完,我而家評估自己把聲,把聲應該冇影響,而家係演唱會,唔係演跳會。如果大家唔介意,我盡量少啲郁,好嘛?先畀大家習慣一下自己80+或90+,頭先我都研究頭暈時唱歌會點,唔係講笑,係另一種風味!」




Comments


bottom of page