MIRROR成員柳應廷（Jer）繼《MM7》後，以瘋狂概念拍攝新歌《JM單身9》的MV，與導演構思仿如實驗室的場景，靈感來自電影《單身動物園》（Lobster），Jer說：「其實歌同MV創作都來自呢部戲，喺MV入面如果30歲仲係單身，女王（林千渟 飾）就會將我變做一樣物品，但我違抗命令，到最尾遇到單身樂隊，同呢隊樂隊自由自在地搵生活嘅價值。」
「別自負地話 單身的 最慘 獨活是藝術 不懂的 更慘 但現實就是 單身 總會被責難 要送我去改造 強制我脫單 誰又明白 單身因 我揀 還胡亂評論 單身狗 最慘」，《JM單身9》是說單身的好，問到Jer是否享受單身，他說：「單身都唔係一件壞事，人長大咗都需要有自己嘅空間，做好多自己嘅嘢，例如創作、增值自己，就算單身嘅朋友遇唔到另一半，都可以Enjoy而家嘅獨活時間。」
而在MV中出現的樂隊，是Jer於今年組成的樂隊One Orchestra，Jer說：「上次《人類群星閃耀時》已經同王雙駿喺MV表演，今年我哋組咗一隊One Orchestra，喺上一首《從零開始的新世界》大家已經幫我做歌，亦諗住隊Band係for我現場演出，但今次大家先喺我嘅MV參與演出，不過爭咗The Hertz 嘅Herman，如果佢join到，就好似六神合一嘅感覺。」
Jer以多個趣怪造型上陣，獨特的眼妝，配粉紅色隱形眼鏡：「因為MV拍攝時間長達20小時 ，對眼乾到一眨眼，副Con甩咗出嚟，最尾嗰Part決定除咗佢，雖然冇Con個造型好似欠缺咗一啲嘢，而且又辛苦，但都值得，因為拍嘅Shot都好好玩！」他續說比起《MM7》MV，今次來得更瘋狂：「無論係Props、Setting，今次仲瘋狂啲，因為個MV一開始我已經係入咗瘋人院世界。」
Comments